InfoHub Logo

«Halyqtyń kemeline kelip órkendep ósýi úshin eń aldymen azattyq pen bilim qajet» degen eken qazaqtyń mańdaıyna bitken jaryq juldyz Shoqan Shyńǵysuly Ýálıhanov. El táýelsizdik alǵaly memleketimizde daryndy jastarǵa úlken múmkindikter joly ashyldy. Kóptegen joǵary oqý oryndary bilimdi jastardan bilikti mamandar daıarlap, el múddesi úshin qyzmet etýde. Sonyń biri jáne biregeıi elimizdegi eń úzdik ýnıversıtetter qatarynan kórinip kele jatqan ál-Farabı atyndaǵy Qazaq Ulttyq Ýnıversıteti.

1934 jyly irgetasy qalanǵan bilim ordasynda 16 fakúltet, 98 kafedra, 20 ǵylymı- zertteý ınstıtýttary júıeli túrde qyzmet atqarýda. Elimizde zańgerler daıyndaýda kósh bastap turǵan zań fakúltetiniń Azamattyq quqyq, azamattyq is júrgizý jáne eńbek quqyǵy kafedrasy da atalmysh tizimde kósh bastap keledi. Azamattyq quqyq, eńbek quqyǵy jáne azamattyq is júrgizý dep atalǵan qos kafedrany biriktirý negizinde qurylǵan atalmysh kafedrada attary áıgili bolǵan M.A. Vaksberg, G.V.Stepanenko, A.I.Bespalova, Iý.G.Basın, M.K.Sýleımenov, B.B.Bazarbaev, A.G.Dıdenko syndy tulǵalar shákirt tárbıeledi.  Al qazirgi tańda 31 adam, ıaǵnı alty profesor, ǵylym doktorlary, 12 ǵylym kandıdattary stýdentterdi bilim nárimen sýsydatyp keledi.

Úzdik fakúltettiń azamattyq quqyq, azamattyq is júrgizý jáne eńbek quqyǵy kafedrasy belsendi jastarǵa arnap áleýmettik-tárbıelik mańyzy bar is-sharalardy da jıi ótkizedi. Atap aıtar bolsaq, «Aınalańdy nurlandyr» joba sheginde «Nurly Jol» Prezıdent joldaýynyń aıasynda №18 jataqhanada ótken «Áleýmettik quqyqtyq saıasat» ashyq dárisi, QazUÝ stýdenti oqýǵa tıis 100 kitap jobasy aıasynda ótkizilgen «Muzbalaq aqyn Muqaǵalıdyń tańdaýly shyǵarmalary» sharasy,  N.Gogoldiń «Mertvye dýshı» eńbegin  taldaý boıynsha, sonymen «Abaı shyǵarmashylyǵy jáne zamanaýı jastar» atty taqyryptarmen  ótken is-sharalar jastardyń rýhanı kemeldenýine úlken septigin tıgizdi desek artyq aıtqanymyz bolmas. Iaǵnı ujymdaǵy ustazdar qaýymy tek bilikti ǵana emes, jan-jaqty tanymy keń maman daıyndaý jolynda qyzmet atqaryp keledi.

«Adamnyń adamshyldyǵy jaqsy ustazdan» deıdi dana Abaı. «Ustaz talantty bolsa, shákirt talapty bolady» dep dana halqymyz da beker aıtpasa kerek. Bul turǵyda kafedra oqytýshylarynyń jetken jetistikteri olardyń bilim kórsetkishterin anyqtaıtyn qural deýge bolady. Atap aıtar bolsaq kafedra qyzmetkeri Abıkenov A.A «Qurmet» , Aldashev.S «Chernobyl qaharmany» ordenderimen marapattalsa, Tynybekova. S advokatýra salasynyń damýyna qosqan úlesi úshin de arnaıy marapatqa ıe boldy. Al Djanbaev M.A «Medıasıanyń jalpy kýrsy», «Medıator-trener daıarlaý kýrsy» syndy sertıfıkattarǵa bilim berý kýrstary negizinde qol jetkizdi.

Azamattyq quqyq jáne azamattyq is júrgizý eńbek quqyǵy kafedrasynyń basty mısıasy – zamanaýı joǵary bilimdi memlekettik mańyzy bar isterdi sheshýge qaýqarly elimizdiń úzdiksiz damýyna septigin tıgizetin maman daıarlaý bolyp tabylady.

G. A. Hýdaıberdına

Ál-Farabı atyndaǵy QazUÝ Zań fakúlteti

azamattyq quqyq jáne azamattyq is júrgizý,

eńbek quqyǵy kafedrasynyń aǵa oqytýshysy 

---