InfoHub Logo

(Bastaýysh mektepti bitirýshilerge arnalǵan sahnalyq reportaj)

4-synyp bitirgen bir top oqýshylar men aǵa pıoner jetekshisi qatysady. (Qatysýshylardyń óz attary alynǵaǵan: Almaty qalasyndaǵy № 2 qazaq orta mektebiniń oqýshylary)

Pıonerler bólmesinde bir top 4-synyp oqýshylary hormen «Oqýshylar jyryn» oryndap jatady:

Baqytty bizder balamyz,
Ósirgen Otan anamyz.
Kóńilde sheksiz qýanysh,
Shyrqatyp ánge salamyz.
Kúlimdep kókte kúnimiz,
Qulpyryp qyrda gúlimiz,
Janymyz nurǵa bólenip,
Shalqıdy shattyq jyrymyz.
Baqyttyń qaınar bulaǵy,
Ómirdiń óshpes shyraǵy –
Súıemiz beıbitshilikti,
Súıikti eldiń jyr áni.

Án aıaqtala bergende syrttan jarqyn júzdi aǵa pıoner jetekshisi kirip keledi. Oqýshylardyń bári birden soǵan qaraıdy.

Jetekshi:
Mynaý netken shat kún edi,
Boıdy kernep barady úni.
Tysta túgel baq gúldedi,
Terbetilip dala gúli.
Mamyr kúni shashyp nuryn,
Mingizip jyr kemesine,
Bir belesten asyp búgin,
Barasyńdar kelesige.
Júırik edi ómir netken?
Ańǵaramyn, ańǵaramyn.
Tez arada ósip ketken
Barlyǵyńa tań qalamyn.
Tórt jylda ne úırendińder,
Úlgi bolar bárimizge?
Nendeı zattan jırendińder,
Aıtyńdarshy, káne, bizge?

Almahan:
Mektepke alǵash kelgenimde,
Bir árip te tanymaǵam.
Sol úshin kóp terledim de,
Biraq, oǵan nalymaǵam.
Qıyndyqtan qoryqpastan,
Álippeni qolyma alǵam.
Kúni-túni jalyqpastan,
Úıretti apaı ony maǵan.
Ózim endi basqalarǵa
Oqyǵandy aıtyp berem.
Qıalymmen bastap alǵa,
Kúnge baryp, qaıtyp kelem.

Raýza:
Men mektepke kelgenimde,
Esh nárseni bilmeıtinmin.
Túıme úzilse kóılegimde,
Ony qadap, ilmeıtinmin.
Bildim búgin, mine, bárin,
Kúıge toly kókiregim.
Kıimimniń kiri baryn
Ózim jýyp, ketiremin.
Úıge barsam, kómektesip,
Mamama ot jaǵysamyn.
Sýyn tasyp kezektesip,
Kilemdi de qaǵysamyn.

Alma:
Qolyma alǵan ár isime
Árqashan da qyzyp kirdim.
Balalardyń bárisine
Taqpaq aıtyp, qyzyqtyrdym.
Sábıra men Qalımadaı,
Ádil syndy jalqaýlardy,
Synaımyn tez janym qalmaı,
Sáken syndy ańqaýlardy.

Jetekshi:
Káne, sol taqpaǵyńnyń birin aıtyp jibershi.

Alma:
«Ábiger» (daýysyn ózgertip):
– Oıbaı-aı, tamaǵym!
– Ne boldy, qaraǵym?
– Tamaǵym isip tur,
Denem de ysyp tur.
– Janym-aý, ne dediń?
Ne iship, ne jediń?
– Qar jedim, mamataı!
– Qap, tentek Bolat-aı!
İzdeıin dáriger, – dep ana ábiger.
 

Jetekshi:
Ras pa, Bolat? Ras pa? (jaýap kúte qaraıdy)

Bolat:
Basqa Bolat, men emespin,
Erkelikti umytqanmyn.
Sýyǵyńdy elemespin,
Eńbekpenen shynyqqanmyn.
Áýre etpeımin úlkenderdi,
Árqashan da qurmetteımin.
Kórsem iste júrgenderdi,
Kómektespeı qur ketpeımin.

Maıa men Sara:
Biz de, mine, dóńgelenip,
Kórsetemiz bıimizdi.
Qýanyshqa on bólenip,
Shalqytamyz kúıimizdi.
Jasy áýenge shóldegen el,
Kóńilderdiń hoshy deımiz.
Arman, qıal, eńbek, óner –
Adamzattyń dosy deımiz.

Osy kezde bı oınalyp, ekeýi dóńgelene jóneledi, bı aıaqtalǵan kezde:

Sáýle:
Uıytady qońyr únim,
Shattyq ánge salǵanymda.
Al, kánekı, sonyń birin
Shyrqap berem aldaryńda.

Kúnsaıyn Qýatbaevtyń Jaqsylyq Sátibekovtyń óleńine jazylǵan «Kóktem» ánin shyrqata jóneledi:

Kóktem keldi, qus keldi,
Oınaımyz biz saz ılep.
Bizdiń kólge tústendi,
Byltyr ketken qaz, úırek.
Kók kóılegin kıdi jer,
Sheship aq qar ishigin.
Emirene súıdi jel
Jas terektiń búrshigin.
Alaqaı-aý, balalar,
Qandaı jaqsy kóktemgi aı!
Gúlge orandy dala bar,
Keldi aýylǵa kóp torǵaı.

Jetekshi:
Qandaı tamasha! Taǵy birin shyrqap jibershi.

Sáýle:
Jaraıdy, án emes, ózimizdiń jalqaý Ábdil týraly bir taqpaq aıtyp bereıin:
Ábdil barlyq balanyń
İshindegi áldisi.
Tas tozdyrǵan tabanyn,
Atyshýly láńgishi.
Mańdaıynyn kún ótip,
Jazdaı tepti láńgini.
Láńgi ábden júdetip,
Sodan basy máńgidi.
Osylaı kóp ótti kún,
Tebýdi júzge jetkizdi.
Biraq, kúzde etigin
Etikshige ótkizdi.

Nurmahan:
Ras, keshe ǵana Ábdildiń báteńkesin Sultanǵazy jamap jatqan. (Balalar shýyldap kúlisedi)

Sultanǵazy:
Bul isti ras qalap aldym,
Zor kúsh eken talap degen.
Bátińkesi balalardyń
Jyrtylsa, tez jamap berem.
Ónerim bar taǵy basqa,
Aılap emes, kúndep ósem.
Balalar tez tanymys pa,
Mynany alyp, bul ne desem?

Qaǵazben oralǵan qolyndaǵy eki túıinshektiń birin ashyp kórsetedi.

Barlyǵy: Kól, kól! (Plasılınnen jasalǵan asqar taý men ortasynda dóńgelengen sulý kóldiń beınesi balalardyń barlyǵyn da qyzyqtyrady)

Sultanǵazy:
Asqar taýly shyńǵa shyǵam,
Túsem muhıt tereńine.
Tabıǵattyń syryn uǵam,
El súısinsin ónerime.

(Qolyndaǵy ekinshi túıinshekti ashyp kórsetedi)
Mynaý ne?

Barlyǵy: Orman, orman! (Keń dalada jaıqatylǵan ormannyń beınesi kórinedi)

Sultanǵazy:
Baıtaq jatqan keń dalamda
Ný ormandy jaıqaltamyn.
Qulazyǵan shól dalamda
Shalqar kóldi shaıqaltamyn.

Galá:
Júrgenim joq men de beker,
Alda talaı armanym bar.
Erinbesten eńbek eter,
Jelden júırik barmaǵym bar.
Jippen ásem keste tigip,
Gúlmen baqqa salam órnek.
Úı mańyna ekken shybyq
Búgin kókke barady órlep.

Ǵabıt:
Aı men kúnniń shegarasyn
Buryndy-soń basypty kim?
Ólshep Sholpan jer arasyn,
Esepteımin qashyqtyǵyn.
Sholpanǵa erteń barar jolda
Kerek bizge aıaldama.
Demalamyz jasap sonda
Jer týraly baıandama.

Almahan:
Adymdaımyz ári qaraı,
Assaq búgin bir belesten.
Aldymyzda áli talaı
Ótpekshimiz myń belesten.

Raýza:
Adamdyqtyń ár júıesin
Kóp kórsetken balalarǵa.
Raqymet tárbıeshi
Aǵalarǵa, analarǵa.

Barlyǵy:
Óner bergen, bilim bergen,
Umtyldyrǵan ár qıaǵa.
Ómirdiń shat jyryn bergen
Rızamyz aq uıaǵa.

Jetekshi:
Balalar, jyrlaryńa da, syrlaryńa da ábden qandym. Endi bárimiz qosylyp, bir ándi shyrqap jibereıik.

Barlyǵy:
Hormen «Aıgólek» ánin shyrqaıdy.

Kóldeı shalqyp jas ómir,
Tasyp jatqan shaǵynda,
Kemerinen shalyqtap
Asyp jatqan shaǵynda,
Oıyn oınap, án salmaı,
Óser bala bolar ma?
Kúmis kúlki kórmeı ol,
Kemeline tolar ma?

Qaıyrmasy:
Aıgólek-aý, aıgólek,
Aıdyń júzi dóńgelek.
Aıgólek dep án shyrqap,
El bóbegi, kel, bóbek!

Asyl sózdiń ustazy,
Aqyn bolar urpaqpyz.
Óner, bilim, eńbekke
Jaqyn bolar urpaqpyz.
On saýsaǵy maıysqan
Sheber bolar urpaqpyz.
Tula boıy tolǵan bir
Óner bolar urpaqpyz.

(Shymyldyq)

---