Birinshi synypqa bala qabyldaýdan bas tartqan mektep dırektory jumystan shyǵaryldy
Almaty oblysy Qarǵaly aýylyndaǵy mektep dırektory birinshi synypqa bala qabyldaýdan bas tartqany úshin óz qyzmetinen bosatyldy.
Aıta keteıik, Bilim kúnine keıin Almaty oblysy Jambyl aýdanyndaǵy úsh tilde oqytatyn №2 daryndy balalarǵa arnalǵan Qarǵaly arnaıy mamandandyrylǵan gımnazıasy jazǵy ýaqytta test tapsyryp, birinshi synypqa alynǵan balalardy qabyldamaı qoıǵan. Mektep basshylyǵy muny oqýshylar sanynyń normadan asyp ketýimen túsindirgen.
Almaty oblysy bilim berý basqarmasynyń basshysy Lázzat Bazarqulovanyń habarlaýynsha, bıylǵy tamyz aıynyń basynda oblystyq bilim berý basqarmasy birinshi synypqa baratyn balalar týraly boljam aqparattardy túzgen. Gımnazıa dırektory J.Quralbaeva bergen resmı aqparat boıynsha, Qarǵaly aýylyndaǵy mektepke qarjylandyrý josparyna sáıkes, eki tolyq synyp, ıaǵnı 54 bala qabyldaý josparlanǵan.
«Al gımnazıa dırektory J.Quralbaeva bilim berý basqarmasyna eskertpeı, josparlanǵan eki synyptyń ornyna bes tolyq synyp, ıaǵnı 134 bala qabyldaǵan. BAQ-qa jarıalanǵan másele osydan týyndaǵan», - dedi L.Bazarqulova.
Almaty oblysy bilim berý basqarmasynyń málimetteri boıynsha, búginde gımnazıada 55 baladan 2 synyp jasaqtalǵan. Qalǵan 79 bala ózge mektepterge - №3 jáne №4 orta mektepter, Beıseýov, Ápsemetov, Qutpanbetuly, Qarsaqbaev, Rysqulov, Úmbetáli jáne Ýálıhanov atyndaǵy orta mektepterge aýystyrylyp, oqý jylyn bastap ketti.
«Úsh tilde oqytatyn №2 daryndy balalarǵa arnalǵan Qarǵaly arnaıy mamandandyrylǵan gımnazıasynyń dırektory J.Quralbaeva óz qyzmetinen bosatyldy», - dep habarlady L.Bazarqulova.
You Might Also Like
-
QR BǴM Ǵylym komıteti buıryǵymen Ánýarbek Sultanǵazın Qazaqstan Respýblıkasy Bilim jáne ǵylym mınıstrliginiń «Ǵylym qory» AQ prezıdenti bolyp taǵaıyndaldy. Bul týraly mınıstrliktiń basp...
-
2016 jyldyń 1 qazanynan bastap, Almatyda jolaýshylarǵa yńǵaıly bolý úshin «Jolaqy» tarıfy engiziledi. Ony «Ońaı» kartasynyń balansyn toltyrý kezinde iske qosýǵa bolady.
