InfoHub Logo

Qaraǵandy oblysynda eki orta mektep jańa oqý jylynda basshysyz qaldy. Bul týraly Temirtaý qalasy Bilim bóliminiń zańgeri Alekseı Dmıtrıev BNews.kz tilshisine habarlady.

«Endi zańǵa sáıkes, basshy laýazymyna konkýrs rásimi júrgiziledi. Bir jarym aı ishinde jańa dırektor taǵaıyndaımyz degen úmittemiz, biraq ol konkýrsqa qatysýǵa ótinim bildiretin azamattarǵa baılanysty bolady. Ázirge bul mektepterde basshy mindetin atqarýshy muǵalimder jumys istep otyr», - dep málimdedi A. Dmıtrıev.

Sondaı-aq mektep dırektorlary óz mekemesin jańa oqý jylyna laıyqty daıarlamaǵandyqtan, jumystan bosatyldy. Tamyzdyń sońynda ákimdik pen bilim bóliminiń qyzmetkerleri tekserý júrgizdi. Tekserý nátıjesi boıynsha, №24 orta mektebiniń dırektory Narmanbet Ibadıldınov pen eńbek sharty buzyldy, al №14 mektep-lıseı dırektory Olga Tkachýk óz erkimen jumystan shyǵý týraly ótinish jazdy.

«31 tamyz kúni №24 orta mektebiniń aýmaǵy las boldy. Dırektor tazalyqty qadaǵalamaǵan jáne tazalyqqa jaýapty qyzmetkerlerine senip otyra bergen. Mektep ishinde, tipti sport alańynda da shóp qaýlap ósken. Ol jerde kene de, órmekshi de boldy. Tekserý nátıjesi durys bolmaǵandyqtan jáne dırektor osynyń barlyǵyna jaýapty bolǵandyqtan, jumystan bosatý týraly sheshim qabyldandy. Al №14 mektep-lıseıinde de týra sondaı, sondaı-aq shóp orylmaǵan», - dep baıandady zańger.

---