InfoHub Logo

Birjan qasynda joldastarymen bir aýylǵa jaqyndaǵanda, Qaraǵaıly degen ózenniń tasalaý jerinde úsh boıjetken qyz sýǵa shomylyp jatyr eken. Baıqaýsyzda ústine kelip qalǵan kisilerdi kórip, shyǵa almaı otyra beripti. Qasyndaǵy joldastary: «Birjan, myna qyzdarǵa birdeńe deseıshi» — degende, Birjan:

Baýyry Kókshetaýdyń — qaraǵaıly,
Qar ketken soń bolady malǵa jaıly.
İshinde adal da bar, aram da bar,
Eı, qyzdar, shyǵardyńdar sýdyń laıyn, —

deıdi. Qyzdardyń ishinen Nurǵaısha degen bir qyz sýdan basyn kóterip alyp, bylaı dep jaýap qaıyrady:

Ushady aqqý kólden sabalanyp,
Biz qaldyq sizdiń sózge nazalanyp.
Keled dep ıgi-jaqsy aldymyzǵa,
Shomylyp jatyr edik tazalanyp.

Birjan qyzdyń betalysyn kórgen soń, at ústinen amandasyp júrip ketken eken.

---