InfoHub Logo

Jaqsy minez - búkil ómirińniń sarqylmas  baılyǵy.

Ý. Gezlıt

Adamnyń turaqty psıhıkalyq erekshelikteriniń jıyntyǵyn-minez-qulyq dep ataýǵa bolady.Árbir adam óziniń ósken ortasyna, tárbıesine baılanysty túrli minez-qulyqtarymen erekshelip turady. Álemde qansha adam bolsa,  sonsha minez-qulyq bar.Olar bir-birine múldem uqsamaıdy.Ómirlik tájirıbe  men túrli jaǵdaılardan qalyptasqan minez adamnyń qoǵamdyq ortaǵa, tártibine,jumys jasap jatqan nemese oqý ornyndaǵy ózin qorshaǵan adamdarǵa,tipti ózine qatty áser etedi.Adamdy minez-qulqymen tanýda tek onyń belgili bir jaǵdaılarda  qalaı oılap, qandaı ister isteıtinin ańǵarsańyz jetkilikti."Adamnyń basyna qonǵan baqyttyń turaqtylyǵy jaqsy minez-qulyqqa baılanysty" - dep, uly tulǵamyz Ál-Farabı beker aıtyp ketken joq dep oılaımyn. Minez arqyly adam úlken jetistikterge jete alady. Qandaı jaǵdaı bolmasyn ózin sabyrly ustap, shydamdylyq tanyta bilse baǵyndyrar beles qalmaıdy. Kóp jaǵdaıda adamdar bir qatelik jasap, súrinip jatady. Sol bolmashy súriniske bola búkil ómirin kináláp,árbir atqan tańyn ókinishpen ótkizip jatady.Nege, sol bir  súrinisti bizge berilgen synaq dep qabyldamasqa?! Qatelikten sabaq alyp, shyńdala túspeske?! Arman qýyp úlken qalaǵa kelgende adamnyń minezi kúrt ózgeredi. Sebebi, ol qazir úıindegi ata-anasynyń qasyndaǵy erke qyz ne ul emes. Ol qazir úlken qalanyń turǵyny, stýdent. Mineziniń qataldaný shaǵy osy kezde bolady. Sebebi, qoǵamda bolyp jatqan ádiletsiz jaǵdaılarda minezi arqyly óz-ózin qorǵaı bilý qajet. Qasyndaǵy dostaryna, aralasyp júrgen adamdaryna baılanysty minez de solaı yńǵaılanady.Jan-jaqtan arman qýyp kelgen ózi sıaqty stýdenttermen aralasyp, ishinen ózine minezi uqsaıtyn janyna jaqyn jandy taýyp, sonymen sherin tarqatatyn bolady.Ýnıversıtette ol ózine júktelgen jaýapkeshilikpen ózin úlken qoǵamnyń bir bólshegi, Qazaqstannyń azamaty ekenin sezine bastaıdy.Qoǵamdyq ómirge belsene qatysatyn dostary bolsa, ol da  belsendilik tanyta bastaıdy.Ol óziniń ómiriniń 180 gradýsqa ózgergenin baıqamaı da jatady.Sizdiń qandaı ortaǵa túsetinińizge baılanysty barlyǵy.Sondyqtan, ortany durys tańdap, ózińizge ár basqan qadamyńyz úshin esep berip, oı eleginen ótkizip otyryńyz. Árbir oqýǵa kelgen stýdenttik alǵan qoıǵan maqsaty ata-anasynyń úmitin aqtap, jaqsy maman ıesi ataný. Ata-anamyz bizben maqtan tutsa degen bir oı... 

Jambyl Aısýlý Danıarqyzy

---