InfoHub Logo

QR Bilim jáne ǵylym mınıstrligi birneshe joǵary oqý ornynyń bilim berý lısenzıasynyń kúshin toqtatty. Bul sheshimge birqatar joǵary oqý ornyn qaıta tekserý barysynda Bilim týraly zańnama normalarynyń buzylýy negiz boldy.

«Almaty» ýnıversıteti, «Qaınar» akademıasy, Almaty ekonomıka jáne statısıka akademıasy, Qazaq medısınalyq úzdiksiz bilim berý ýnıversıteti, A.Qýatbekov atyndaǵy Halyqtar dostyǵy ýnıversıteti jáne «Silkway» halyqaralyq ýnıversıtetin qaıta tekserý qorytyndysy boıynsha bilim berý salasyndaǵy zańnama normalarynyń buzylýy qaıta anyqtaldy.

Osyǵan baılanysty QR BǴM Bilim jáne ǵylym salasyndaǵy sapany qamtamasyz etý komıteti «Almaty» ýnıversıteti, Almaty Ekonomıka jáne statısıka akademıasy, Qazaq medısınalyq úzdiksiz bilim berý ýnıversıteti, A.Qýatbekov atyndaǵy Halyqtar dostyǵy ýnıversıteti anyqtalǵan buzýshylyqtar joıylǵanǵa deıin lısenzıasynyń kúshin toqtatty.

«Qaınar» Akademıasy men «Silkway» halyqaralyq ýnıversıtetiniń isi tekserý qorytyndysyna shaǵymdanýyna baılanysty sotta qaralýda. Sot prosesi aıaqtalǵannan keıin tıisti sharalar qabyldanady.

Sonymen qatar M.H. Dýlatı atyndaǵy Taraz óńirlik ýnıversıtetinde «quqyq» daıarlaý baǵyty boıynsha (bakalavrıat) lısenzıaǵa qosymshanyń qoldanylýy toqtatyldy.

Osy rette talapkerlerdi zańnamaǵa sáıkes bilim berý qyzmetin júrgizýge lısenzıanyń qoldanylýy toqtatylǵan jaǵdaıda joǵary oqý orny jańa 2020-2021 oqý jylyna qabyldaı almaıtyndyǵyna nazar aýdarýlaryn suraımyz.

---