InfoHub Logo

Qashyqtan bilim alatyn balalar úshin sabaq uzaqtyǵy — 30 mınýtqa deıin. Bul týraly Nur-Sultan qalalyq bilim basqarmasynyń basshysy Sholpan Qadyrova aıtty.

«Kezekshi synyptardy ata-analardyń ótinishi negizinde jasaqtaımyz. Al mektepter kezekshi synyp formatynda jumys isteıtin pedagogtar quramyn derbes qalyptastyrady. Degenmen, jas erekshelikterine, sozylmaly aýrýlarǵa baılanysty dástúrli formatta jumys isteıtin muǵalimderge shekteýler bar. Buǵan qosa, pedagogtar óz qalaýy boıynsha offlaın nemese onlaın rejımde jumys isteı alady», — dedi ol Ortalyq komýnıkasıalar qyzmetindegi baspasóz máslıhatynda BAQ ókilderiniń saýalyna oraı.

Onyń atap ótýinshe, kezekshi synyptarda 15 baladan ǵana bilim alsa, onlaın oqý barysynda qoldanylatyn platformalar 20-30 balanyń bir mezgilde sabaq ótýine múmkindik bere alady.

«Eger mektepte shtattyq rejımde ótetin sabaqtardyń uzaqtyǵy 40 mınýtqa sozylsa, onlaın rejımdegi sabaqtar 15-ten 30 mınýtqa deıin bolady. Óıtkeni, balalarǵa onlaın rejımde sabaq ótý óte qıyn. Sol sebepti ádestemelik usynysta sabaqtardyń osyndaı uzaqtyǵy aıqyndalǵan», — dedi Sholpan Qadyrova.

Sondaı-aq ol kezekshi synypta oqıtyn balalar maskany ózderi alyp kelýi kerektigin aıtty. Al bilim uıymdary búdjet qarajaty esebinen pedagogterdi qorǵanys quraldarymen qamtamasyz etedi.

---