Qazaqstannyń baılanys operatorlary qashyqtan oqýǵa arnaýly tarıf engizedi
Qazaqstannyń uıaly baılanys operatorlary qashyqtan oqý úshin arnaýly tarıf ázirledi. Bul týraly «Kúndelik» JSHS bas dırektory Muhtar İlıasov aıtty.
«Mundaı tarıftiń bar ekenin naqty aıta alamyn. Shynymen de jetekshi uıaly baılanys operatorlary «Bilim» tarıfin ázirledi. Quny — 990 teńge. Ol jańa oqý jylynyń basynda qoljetimdi bolady. Biz bul máseleni sheshýge belsendi qatysqan edik. Bul tarıften Kundelik.kz resýrsyna megabaıt jumsalmaıdy», — dedi ol Ortalyq komýnıkasıalar qyzmetindegi baspasóz máslıhatynda BAQ ókilderiniń saýalyna oraı.
Esterińizge sala ketsek, arnaýly tarıftiń iske qosylatyndyǵy osy jyldyń shilde aıynda belgili bolǵan edi. Atalǵan tarıftik jospar barysynda oqýshylar men ustazdar bir-birimen tegin sóılese alady.
Munan bólek, otandyq bilim resýrstaryn tegin qoldanýǵa bolady. Qazirgi ýaqytta Bilim jáne ǵylym mınıstrligi 380 resýrsty qoldap otyrǵany belgili.
You Might Also Like
-
Sanaýly kúnderden keıin bastalatyn jańa oqý jyly qarsańynda oqýshylardy da, ata-analardy da oqý prosesiniń qalaı júrgiziletindigi alańdatqany belgili. Búgin Ortalyq komýnıkasıalar qyzmetinde ótken ...
-
Qashyqtan bilim alatyn balalar úshin sabaq uzaqtyǵy — 30 mınýtqa deıin. Bul týraly Nur-Sultan qalalyq bilim basqarmasynyń basshysy Sholpan Qadyrova aıtty.
