InfoHub Logo

Esirtkige elikteıtinder negizinen jasóspirimder men jastar. Olar ólimniń ne ekenin tereń uǵynbaıtyn jasta esirtkige urynady. Jastyq shaqta bárin kórip-bilý kerek degen túsinik sanalaryn jaýlap alady. Esirtki onyń ómirin aqyryn qurdymǵa apara jatqanyn senbeıdi de.

Jastar psıhologıasyna júrgizilgen zertteýler, olardyń – orta izdeıtindigin, ortasy joq jasóspirimder japanda jalǵyz qalǵandaı dáleldengen. Al ortada qaı bala jan – jaqty pysyq, sońynan ózgelerdi de erte alatyndaı qabileti bolsa, sol balaǵa uqsaǵysy kelip umtylady.

Búgingi kúni balany qyzyqtyratyn orta az,qala balasy túngi klýb, bı alańdaryn aınaldyrsa, aýyl balasy kóshe tozdyryp, araq – sharap ishýge áýes. Balanyń jaman jolǵa túsýine ata-ananyń bala tárbıesine nemquraıly qaraýynan. Jasyratyny joq, kóptegen ata-ana balasymen tek qana materıaldyq turǵyda ǵana áńgimelesýmen shekteledi, qarnyń toq pa,kóılegiń kók pe degendeı. Ózim de ata-anamyn, biraq balama barynsha kóńil bólip, ortasy qandaı, kimdermen dos, barlyǵyna derlik kóńil bólýge tyrysamyn. Al keıbir ata-analar bar jumystan qoly tımeı, bala tárbıesine kóńil aýdara almaı júrgen. «Balany jastan» demekshi, balany osy bastan bastapqadaǵalaý kerek dep oılaımyn. Jastaıynan esirtki tartqan adam ol táýeldilikke dýshar bolady. Tárbıe otbasynan bastalady demekshi, otbasyndaǵy jaǵdaı da balaǵa qatty áser etedi. Eger ata-anasy qolaısyz bolsa, ishimdikke, shylymǵa áýestigi bolsa ol da balanyń sanasyna oı salady. Esirtkiniń bir jaman qasıeti – ony shylym, araq-sharap sekildi tastaý ońaı emes. Onyń ústine jas organızmge jabysqan esirtki ońaılyqpen arylmaıdy.

Adamzat tarıhyndaǵy qanshama qandy oqıǵanyń sebepshisi, neshe túrli zulymdyqtardyńda bastaýshysy «apıyn» – bolǵanyn bilemiz. Bizdiń ǵasyrymyzdyń basty derti – nashaqorlyq. Bireýler esirtki taratyp, baılyqqa kenelip, belshesinen batyp júr, al qanshama jan budan baqytsyzdyqqa ushyrap, ólim qushýda. El ishinde nashaqorlar sany jyl saıyn artýda,al biz bolsaq kórmegen, bilmegen keıip tanytamyz. Óz basymyzda bolmaǵan soń, ózgeniń problemasyna júregimizdi de, janymyzdy da aýyrtqymyz kelmeıdi. Adam balasy aldynda ne kútip turǵanyn bilmeıdi, artta urpaq ósip keledi. Ne isteý kerek? Jastardy onyń quryǵynan qalaı qutqaramyz? Degen saýaldar árıne adam janyn mazalaıdy.

Osyǵan baılanysty, qoǵamdyq – qasirettiń aldyn alý maqsatynda jergilikti jerlerde oqýshylar arasynda keńinen túsindirý jumystaryn júrgizý qajet dep oılaımyn. Jastardy sportqa, basqa mádenı sharalarǵa tarta otyryp, olardyń bos ýaqyttaryn tıimdi ótkizýge ata-ana da, muǵalim de atsalyssa, bala jaman ádetten boıyn aýlaq ustaýǵa tyrysady. Sondyqtan balanyń bolashaǵy – bizdiń qolymyzda. Olarǵa durys baǵyt-baǵdar bere otyryp, ómirdiń kez – kelgen jaǵdaıynan múdirmeı ketýine septigimizdi tıgizgen durys.

√213 orta mektep

Ótebekovter otbasy

---