InfoHub Logo

Oqýshylarǵa psıhologıalyq kómek "Biz UBT - ǵa senimmen baramyz"

UBT degenimiz ne?
Bul jańa tehnologıalarǵa negizdelgen, mektep túlekteriniń qorytyndy memlekettik attestasıasyn jáne kolejder men joǵary oqý oryndaryna túsý emtıhandaryn biriktiretin, bilim berý uıymynan táýelsiz, bilim sapasyn baǵalaýdyń memlekettik júıesi.
UBT maqsaty: bilimniń joǵary sapasyn qamtamasyz etetin oqý jetistikteriniń syrtqy táýelsiz baǵasynyń júıesin qurý.

UBT mindetteri:
1. Biryńǵaı ólsheý materıaldarynyń kómegimen bilim sapasyn memlekettik baqylaý men basqarýdy qamtamasyz etý;
2. Bilim sapasyn baǵalaýdyń shynaıylyǵyn, durystyǵyn arttyrý;
3. Joǵary jáne orta kásiptik bilimge qol jetkizýde áleýmettik ádilettilikti qamtamasyz etý. Qazirgi kezde oqýshylardy UBT tapsyrýǵa psıhologıalyq turǵydan daıyndaý qajet. Testi tapsyrýǵa eshkim arnaıy úıretpeıdi, biraq soǵan qaramastan, ondaı psıhologıalyq bilim óte paıdaly. Olar testige daıyndalý tıimdiligin arttyryp, testi kezinde ózińdi oıdaǵydaı ustaýǵa kómektesip qana qoımaıdy, sonymen qatar oı jumysy daǵdylaryn damytýǵa, mańyzdy kezderde ózińdi jumysqa jumyldyrýǵa, ózińniń emosıalaryńdy qolǵa alýǵa kómektesedi. UBT rásimi oıyńdy ábden jınaqtap, bar nazaryńdy soǵan aýdaryp, muqıat jáne uqypty bolýdy, bir tapsyrmadan ekinshisine jyldam kóshe bilýdi talap etedi.

Psıhologıa turǵysynan qalaı daıyndalý kerek

Asa aýyr kezderde basyńdy joǵaltyp almas úshin, asa joǵary maqsatqa qol jetkizý úshin ózińniń aldyńa asa joǵary mindet qoıma. Jaǵdaıdyń ábden shıelenisýin kútip otyrma. Emtıhanǵa aldyn ala, azdap - azdap, bólshektep daıyndalýǵa kiris. Eger kúsh - jigeriń men oıyńdy jınaý qıynǵa soqsa, aldymen eń jeńilderin este saqtaýǵa tyrys, sodan keıin kúrdeli materıaldy oqýǵa kósh. İshki qobaljýdy, sharshaǵandyqty basýǵa, ózińdi bos ustaýǵa kómektesetin jattyǵýlardy kún saıyn orynda.
Tamaqtaný
Kúnine 3 - 4 ret tamaqtaný qajet; tamaq nárli jáne dárýmenderge baı bolsyn. Grek jańǵaǵyn, sút ónimderin, balyq, et, kókónis - jemis, shokolad je. Taǵy bir keńes: emtıhan aldynda asa toıyp tamaq jeme.

Kóp materıaldy qalaı este saqtaýǵa bolady
Materıaldardy suraq boıynsha qaıtala. Basynda esińe túsir de, bar bilgenińdi qysqasha jazyp al. Sodan keıin ǵana datalardyń, negizgi oqıǵalardyń durystyǵyn tekser. Oqýlyqty oqyp otyrǵanda basty, ózekti oılardy túrtip otyr – bul jaýaptyń negizgi tarmaqtary bolmaq. Kishkentaı paraqtarǵa ár suraqqa jaýaptyń qysqasha josparyn qurastyryp úıren. Erteń emtıhanǵa baramyn degen kúni jaýaptyń qysqasha josparlary bar paraqtaryńdy qarap shyq.

Jumysqa qabilettilikti qalpynda ustaý
1. Oı jáne dene eńbegin kezektestirip oryndaý
2. Gımnastıkalyq jattyǵýlardan kývyrok, svecha, basta turý sıaqty jattyǵýlar paıdaly, óıtkeni mı jasýshalaryna qannyń barýy kúsheıedi.
3. Kózińdi qorǵa, árbir 20 - 30 mınýt saıyn demalys ber (kózińdi kitaptan alyp, qashyqqa qara)
Kóz sharshasa ne isteý kerek?
Emtıhanǵa daıyndalǵan kezde kózge kóp júk túsedi. Eger kóz sharshasa, búkil aǵza sharshady degen sóz: onyń emtıhan tapsyrmalaryn oryndaýǵa kúshi jetpeıdi. Kózge demalys berý kerek. Tómendegi jattyǵýlardyń kez kelgen ekeýin orynda:
kezek - kezek joǵary - tómen (25 sekýnd), ońǵa - solǵa (15 sekýnd) qara;
kózińmen ózińniń tegińdi, atyńdy, ákeńniń atyn jaz;
qashyqtaǵy zatqa qara (20 sekýnd), sosyn kóz aldyńdaǵy paraqqa birinshi ońnan solǵa qaraı, sosyn soldan ońǵa qaraı sharshynyń, úshburyshtyń sýretin sal.