InfoHub Logo

Ǵalymdar úshin «Bolashaq» baǵdarlamasy boıynsha sheteldik taǵylymdamadan ótýge arnalǵan mamandyqtar tizimine taǵy 18 mamandyq engizildi. «Bolashaq» baǵdarlamasy boıynsha sheteldik taǵylymdamadan ótýge arnalǵan mamandyqtar tizimin keńeıtildi. Baǵdarlamanyń operatory QR BǴM Halyqaralyq baǵdarlamalar ortalyǵy.

Endi olar «Bıologıa, molekýlalyq bıologıa», «Veterınarıa», «Kompúterlik lıngvısıka», «Aýyl sharýashylyǵy», «Qurylys», «Jobalaý», «Shahta qurylysy», «Fızıka», «Baılanys jáne aqparat taratý júıesi», «Radıotehnologıa», «Mehanıka», «Statısıka», «Esepteý tehnologıasy», «Antropologıa», «Orman resýrstaryn qorǵaý», «Vaksınologıa», «Matematıka» baǵyttary boıynsha memleket esebinen álemniń jetekshi ýnıversıtetteri men ǵylymı ortalyqtarynda taǵylymdamadan óte alady.

​Aıta keteıik, 8 mamandyq qoldanystaǵy aralas mamandyqtarǵa engizilip, taǵy 10-y jańa mamandyq retinde qosyldy.

Qazaqstandyq ǵalymdar Garvard ýnıversıteti, Sorbonna ýnıversıteti, Kolýmbıa ýnıversıteti, Iel ýnıversıteti, Gonkong ǵylym jáne tehnologıa ýnıversıteti men basqa da sheteldik joǵary oqý oryndarynda taǵylymdamadan óte alady.​

Osylaısha, 2021 jyly qazaqstandyqtardyń 147 mamandyq boıynsha taǵylymdamadan ótý múmkindigi bar, onyń ishinde ınovasıa jáne jańa tehnologıalar baǵyty boıynsha 14, ındýstrıalyq ınjenerıa baǵyty – 28, jaratylystaný ǵylymdary – 9, áleýmettik ǵylymdar – 40, «Bilim berý» baǵyty – 9, «Medısına» baǵyty – 37 jáne «Kreatıvti ındýstrıa» baǵyty boıynsha 13 mamandyq bar.

Esterińizge sala keteıik, bıyl «Ǵalymdar» jańa sanaty boıynsha 500 stıpendıa bólindi. Stıpendıalardyń jalpy sany 1055-ke deıin ósti. Onyń ishinde densaýlyq saqtaý, mádenıet, sport salasynyń qyzmetkerleri, pedagogter, memlekettik qyzmetkerler, ınjener-tehnıkter úshin 5 sanat boıynsha taǵylymdamadan ótýge 110 grant bólindi. Konkýrsqa qatysý úshin qujattardy qabyldaý 2021 jylǵy 28 qazanǵa deıin jalǵasady.

---