InfoHub Logo

QR Bilim jáne ǵylym mınıstrliginiń baspasóz qyzmeti oqýshy qyzdardyń mektepke shalbarmen kelýine shekteý qoıylǵany týraly málimetterdi joqqa shyǵardy.

«Jańa oqý jylynda oqýshylarǵa bilim berý uıymdaryna tek mektep formasynda ǵana emes, sonymen qatar klasıkalyq stıldegi kıimde barýyna da ruqsat berý týraly sheshim qabyldandy. Klasıkalyq stıl matany, kıimniń túsi men tigisin tańdaýda qatańdyqpen, ustamdylyqpen jáne konservatızmmen sıpattalady. Qazirgi tańda mektepterde «ústi — ashyq tústi», «asty — qara tústi» kıimge basymdyq beriledi. Qyz balalar mektepke ıýbka ne bolmasa shalbar kıip kelýi tıis degen talap qoıylmaıdy», - dep jazady mınıstrliktiń baspasóz qyzmeti.

Vedomstvo mamandary atalǵan talaptar boıynsha qandaı da bir túsinbeýshilikter týyndasa arnaıy Call-ortalyqtarǵa habarlasý kerektigin aıtady.

«QR Bilim jáne ǵylym mınıstrligi azamattardyń ótinishterine jedel den qoıý úshin Bilim jáne ǵylym salasynda sapany qamtamasyz etý komıtetiniń aýmaqtyq departamentteri men bilim basqarmalary basshylarynyń jáne Call-ortalyqtarynyń telefon nómirlerin jarıalaǵan bolatyn», — dep jazylǵan resmı málimette.

---