«Bolashaq» baǵdarlamasyna qujattardy tapsyrý 14 qazanǵa deıin uzartyldy
Atalmysh buıryqqa QR Bilim jáne ǵylym mınıstri Erlan Saǵadıev aǵymdaǵy jyldyń 14 qyrkúıeginde qol qoıdy, dep habarlaıdy primeminister.kz.
Buıryqqa sáıkes, «Bolashaq» baǵdarlamasy boıynsha qujattar qabyldaý merzimi 14 qazanǵa deıin uzartyldy. Buǵan deıin qujattar 30 qyrkúıekke deıin qabyldanǵan bolatyn.
Halyqaralyq baǵdarlamalar ortalyǵynyń málimetinshe, qujat «Ádilet» aqparattyq-quqyqtyq júıesinde 2016 jylǵy 23 qyrkúıekte jarıalanǵan jáne kúshine endi.
2016 jyly «Bolashaq» stıpendıasyna qujattardy qabyldaýdyń eki kezeńi jáne olardyń nátıjeleri boıynsha eki konkýrstyq irikteý ótkizildi. Shetelde kadrlar daıarlaý jónindegi respýblıkalyq komısıa qorytyndylaryna sáıkes, 313 stıpendıa taǵaıyndaldy. Olardyń 199-y magıstratýra, 18-i doktorantýra, 96-sy taǵylymdama baǵdarlamalary.
Úmitkerler qujattardy «elektrondy úkimet» portaly, «Azamattar úshin úkimet» memlekettik korporasıasy arqyly nemese «Halyqaralyq baǵdarlamalar ortalyǵy» AQ-ǵa qolma-qol tapsyra alady. «Bolashaq» stıpendıasy «Magıstratýra», «Doktorantýra», «Rezıdentýra» jáne «Taǵylymda» baǵdarlamalary boıynsha taǵaıyndalady.
Qazirgi tańda Halyqaralyq baǵdarlamalar ortalyǵy qujattardy qabyldaýdyń úshinshi kezeńi sheńberinde «Bolashaq» halyqaralyq stıpendıasyn taǵaıyndaý úshin úmitkerlerdi tartý maqsatynda aqparattyq-túsindirme jumystaryn júrgizýde.
You Might Also Like
-
Qorqyt Ata atyndaǵy Qyzylorda memlekettik ýnıversıteti Ustazdar merekesine oraı «Ustaz - bilim shamshyraǵy» atty merekelik kesh ótkizdi. Bul týraly ýnıversıtettiń baspasóz qyzmeti habarlady.
-
Qazaq baspasóziniń, ásirese, «Qazaq ádebıeti» gazetiniń qazaq qaýymy úshin alar orny erekshe. Bul buryn da, búgin de, Alla jazsa, erteń de solaı bolyp qala bermek. Ejelden-aq qazaq jyrtys...
