Atyraýdaǵy eń úzdik 10 mektepte robot tehnıkalary zerthanasy ashyldy
Atyraý qalasyndaǵy eń úzdik 10 mektepte robot tehnıkalary zerthanasy ashyldy. Barlyq kerek-jaraqpen tolyq jabdyqtalǵan zerthanalardy orta bilim ordalaryna Halel Dosmuhamedov atyndaǵy Atyraý memlekettik ýnıversıteti tartý etip otyr, dep Habar24 telearnasy habarlaıdy.
«Robot tehnıkalarmen jumys isteý balalardyń oılaý qabiletin damytyp, ózge pánderdi de jaqsy meńgerýine septigin tıgizedi», — deıdi ustazdar. Oqýshylar bastapqyda shaǵyn mashınalar qurastyra kele keıin asa kúrdeli baǵdarlamalarǵa kóshedi.
Mysaly, qazaq-túrik lıseıinde robot tehnıkalaryn oqý baǵdarlamasynan tys meńgerýge de bolady. Oqýshylarǵa sabaqtan qoly bos ýaqytta robot tehnıkalaryn úırenýshiler klýbyna baryp, óz qalaýynsha robottar qurastyrýǵa múmkindik berilgen.
Balalardyń jan-jaqty bilim alýyna serpin beretin mundaı zerthanalar bolashaqta basqa mektepterde de ashylmaq. Ýnıversıtet ujymy «bul úrdisti jyl saıyn jalǵastyryp otyramyz», — deıdi.
«Biz, ýnıversıtetter sol mektepterden keletin oqýshylardy oqytamyz, bolashaq muǵalimder daıyndaımyz, árdaıym bizdiń tehnologıa sol mekteptiń aldynda júrýi kerek, mekteppen qarym-qatynas óte jaqyn bolýy úshin ǵylymı keńestiń sheshimimen ózimizdiń oblysymyzdyń, qalamyzdaǵy eń jaqsy 10 myqty mektepke osyndaı zerthanany syıǵa tartý týraly sheshim qabyldadyq», — deıdi H.Dosmuhamedov atyndaǵy AMÝ rektorynyń mindetin atqarýshy Abzal Taltenov.
You Might Also Like
-
Qyzylorda oblysynyń Aral aýdanynda muǵalimder arasynda bıologıa páninen ótken olımpıadanyń bas júldegeri «Lada Granta» kóligin mindi. Bul týraly oblystyq «Syr boıy» gazeti j...
-
Qaryndash jasalý barysynda 83 texnologıalyq operasıadan ótedi, ony daıyndaý úshin 107 túrli shıkizat pen materıal qoldanylady, al jalpy óndiris sıkly 11 kúndi quraıdy. Qaryndashtyń ózi qarapaıym bolǵan...
