InfoHub Logo

Ár adam óz bolashaǵy úshin jaýapty. Al jas jetkinshektiń bolashaǵy ata-anasyna tikeleı baılanysty. Ananyń oıy -balada, balanyń oıy-dalada.Búldirshinderdiń únemi oıynǵa, qyzyqqa umtylyp turatyny belgili. Balasynynyń qylyqtaryna ashýlanǵan ana: «Sabaq oqymasań kóshe sypyrýshy bolasyń»,- dep ursatyny ótirik emes.Osy sózdiń ózi durys dep sanaısyz ba?  Jas balaǵa qazirgi eńbeginiń erteń jemisin kóretinin júıeli,túsinikti tilmen jetkizý kerek. Negatıvti sózderdi, óz tarapyna jaǵymsyz pikirlerdi estip ósken bala qandaı bolady? Oqý-bilimniń de, sporttyń da keleshegine kerek ekenin uǵynýy tıis. Ákesiniń kitap oqyp otyrǵanyn kórmegen bala qalaı ony paraqtaıdy? «Balapan uıada ne kórse, ushqanda sony iler». Otbasyndaǵy jaǵdaıdy kórip ósken bala únemi solaı bolý kerek dep oılaıdy.    

Sondyqtan balaǵa kishkentaı kezinen qarapaıym kún tártibin josparlaýdy úıretý kerek. Arasynda oıyn-saýyqqa, demalysqa bólingen ýaqyttyń bolýy shart.  Ýaqytty tıimdi josparlap úırengen adam ár kúnin paıdaly ótkizedi. Búgin naqty isteý kerek nárseni erteńge qaldyrmaıdy. Ynta bar bolsa 1001 amal,ynta joq bolsa 1001 syltaý tabady. «Men búgin bıznes jaıyndaǵy kitapty oqımyn, sebebi erteń mamandyǵyma kerek bolady»,- degen sózdiń ózi maqsattyń bar ekendigin bildiredi.

Bolashaqqa naqty jospar qurý maqsat qoıýdan bastalady. Keshe armandadym, búgin maqsat qoıdym, áreket etýdemin. Al erteń armanyma jetemin. Mine, osy prınsıppen ómir súrgen adam kóp nársege jete alady. Ynta, yqylas, eńbeksúıgishtik-barlyǵy ózara úndestik tapsa, ol adam sózsiz maqsatyna jetedi.

Ol úshin qazir áreket etý qajet. Dál qazir ornyńyzdan turyp baryp, bolashaqqa jospardy qaǵaz betine túsirińiz. 24 saǵat ishinde bolashaǵyńyz úshin qansha qadam jasaı alasyz? Bolashaq jastardyń qolynda. Jastarǵa úlken úmit artyp otyrǵan úlkender joǵaryda aıtylǵan nárselerdi esten shyǵarmasa  eken. Qurmetti jas dos! Bolashaǵyń úshin áreket et. Óıtkeni, bolashaq búginnen bastalady.

---