InfoHub Logo

S.Toraıǵyrov atyndaǵy Pavlodar memlekettik ýnıversıtetinde 15-16 sáýir kúnderi jýrnalısıka mamandyǵy boıynsha XI respýblıkalyq pán olımpıadasy ótýde. Olımpıadaǵa elimizdiń 17 joǵarǵy oqý ornynan jas jýrnalıser jınaldy. Respýblıkamyzdyń túkpir-túkpirinen kelgen qatysýshylar eki kún aralyǵynda Ǵalymbek Saǵymbaıuly, Saıa Moldaıypqyzy jáne Gúljaınat Jeńisqyzy syndy kásibı jýrnalıserden quralǵan ádil qazy alqasy baǵalaıtyn birneshe synnan ótedi. Onyń bastaýyn "Uly Dala Ulaǵaty" atty tanystyrý kezeńi ashty. Bul kezeńde toptar ózderi jáne oqý oryndary jaıly aqparatty beınesújet nemese prezentasıa arqyly nazarǵa usyndy. Tanystyq aıaqtalǵan soń, sheber qalam ıegerleri sóz saptaý men oılaryn jetkize bilý qabiletin esse jazý arqyly dáleldeı tústi.

Tórtinshi bılik ıelerine kerek birden-bir qasıet - ol jyldamdyq. Sondyqtan da, olımpıada qatysýshylary bul qyrlaryn  "Jedel aqparat" atty kezeńde pash etti. Berilgen qysqa ýaqyt aralyǵynda maqala jazyp, ony jańalyq saıttaryna jarıalap úlgerý kez-kelgen jýrnalıstiń qolynan kelýi qajet.  Endigi kezekte aqparat maıtalmandary bilimderiniń qanshalyqty tereń ekendigin teorıa júzinde kórsetip, operatorlyq qyr-syrlaryn tájirıbe júzinde dáleldeıtin bolady.

Aıta ketsek, bul olımpıada jyl saıyn dástúrli túrde ótip turady. Aldyńǵy jyly Qaraǵandy qalasynda ótken dodada Pavlodar memlekettik ýnıversıtetiniń stýdentteri kósh bastady.

QazHQjáneÁTÝ 2-kýrs stýdentteri

---