InfoHub Logo

Jas jýrnalıserdiń HI Respýblıkalyq pándik olımpıadasy dástúrli jalǵasyn Pavlodar qalasynda taýyp otyr. S.Toraıǵyrov atyndaǵy bilim ordasynda 17 JOO-nyń shákirtteri bas qosty.

Alys joldan boıkúıez tartyp kelgen stýdentterdi  tamasha sergitý sáti tosyp turdy. Qara jorǵa bılep bolǵan qatysýshylar saıystyń qamyna kiristi. Alǵashqy sóz kezegin alǵan S.Toraıǵyrov atyndaǵy PMÝ rektory Gaýhar Ahmetova:

 – XX ǵasyrdyń basynda Alash azamattary qazaq jýrnalısıkasynyń negizin qalady. Halyqtyń qoǵamdyq sanasy men saıası kózqarasynyń qalyptasýyna zor yqpal etti... Jýrnalısıka – kúndelikti ómirdiń aınasy. Ol árkezde óz bıiginen kórinedi. Sondyqtan jýrnalısik bilim-biligin kórsetemin dep kelgen jastarymyzǵa sáttilik tileımin, – dep lebiz bildirdi.

Saıys tanystyrý, esse jazý, test, jedel aqparat syndy kezeńderden turady. Olımpıadanyń birinshi kúninde eki kezeńdi eńsergen stýdentter Pavlodar qalasyn aralap, boı jazyp qaıtty. Sondaı-aq bul jyldyń jańalyǵy – Kereký óńiri týraly beınesújet daıyndaý. «Ertis-Baıan óńiriniń tarıhy men kelbeti meniń áserimde» atty beınesújette qatysýshylar ekskýrsıadan túıgen oılaryn jetkizip baqty.

 – Respýblıkalyq pándik Olımpıadaǵa alǵash ret qatysýym. Deńgeıi óte joǵary. Qaı komanda bolmasyn, joǵary daıyndyqpen kelgendikteri baıqalyp tur. Bul jerden úlken tájirıbe alyp, óz múmkindigimizdi barynsha kórsetýge keldik, – dedi Amanjolov atyndaǵy ýnıversıtetten kelgen «Altaı aqparat» komandasynyń múshesi Altynaı Baqytjanqyzy.

Búgin saıystyń sońǵy kúni. Bes saıys kezeńi boıynsha jeńimpaz anyqtalatyn bolady.

S. Amanjolov atyndaǵy SHQMÝ-dyń 3-kýrs stýdentteri

---