InfoHub Logo

Búgingi kúni kóp oqýshylar mamandyq tańdaı almaı, bas qatyryp júr. Búgin bolashaq jasóspirimderge, mamandyǵyn senimmen tańdaǵan Toıshybek Nazıramen suqbattasýdy jón kórdim.

- Aty-jónim Toıshybek Nazıra. Qazirgi tańda 10 synyp oqýshysymyn. 15 jastamyn.

​- Qazirgi tańda qandaı mamandyq tańdap otyrsyz?

​- Men jalpy medısına salasyn tańdadym. Medısına mamandyǵyn tańdap, adamdarǵa jaryq ómir syılasam deımin. Medısına salasy qazirgi kúni suranysqa ıe mamandyqtardyń biri. Aq halatty abzal jandar bolmasa, elimizdiń azamattaryn qalaı emdeımiz? Sol sebepti medısına salasyn álemdik deńgeıge deıin damytsam, odan asqan armanym joq. Qazaqstan jerinde medısına salasyn damytyp, óz úlesimdi joǵary deńgeıde qossam deımin.

- Jalpy medısına salasynyń baǵytynan, qaı mamandyqqa bet burdyńyz?

- Men​ jalpy medısına salasynyń ishinen kardıohırýrgıa mamandyǵyn nyq senimmen tańdap otyrmyn.  Bolashaqta osy mamandyqty shyn kóńilimmen oqyp, otandyq medısına salasyna óz úlesimdi qosqym keledi. Nege kardıohırýrgıa? Óıtkeni, júrek adam aǵzasyndaǵy basty organdardyń biri, adamnyń ishki aǵzalaryn emdep jazatyn da​ adam qajet. Eger júrek emdelmese, adamzat balasynyń jaǵdaıy aýyr halde bolady.

- Kardıohırýrgıa salasy boıynsha qandaı ýnıversıtetke túskińiz keledi?

​- Memleketimiz boıynsha medısına salasyn oqytatyn Joo-lar kóp, sonyń ishindegi meniń tańdaýym, "Qazaq ulttyq medısınalyq ýnıversıteti Asfendıarov". Mundaǵy bilim sapasy​ óte joǵary, medısına salasynyń qara shańyraǵy bolyp tabylady. Sizderge aıtarym, ýnıversıtet tańdaǵanda onyń bilim sapasyn, jatahanasyn, shet eldermen baılanysyn, stýdentterge qarastyrylǵan jaǵdaılar t. b. , qatty mán berip tańdaý qajetti. Asfendıarov ýnıversıteti, meniń tańdaýyma jáne talaptaryma 100% saı keledi.

- Bolashaq túlekter men jasóspirimderge, ózińizdiń mamandyq tańdaýda qandaı keńesińizdi beresiz?

​- Adam ómirde eki nárseni tańdaýda qatelespeý kerek, biri ómirlik jar, ekinshisi mamandyq. Mamandyqty kópshilik jastar ata-anasynyń qalaýymen tańdap, oqýǵa qulshynysy joǵalyp, ishteı ókinish paıda bolady. Mamandyq tańdarda jastarǵa berer keńesim, óz ushqynyn tabý, ıaǵnı, óziniń qaı salaǵa bıim ekenin, qandaı mamandyqty súıetinin bilýi kerek. Biraq bir mamandyqpen ómir súre berýge bolmaıdy adam qajyp ketedi, jan-jaqty bolý qajet. Sebebi, bir dıplom ómir boıyna azyq degen ustanym ózgerdi. Bilim alýdy eshqashan toqtatpaý qajet. Mysaly, shet tilin úırengeniń​ bul seniń jumystaǵy ornyńnyń joǵarylaýyna kómek beredi, kásibiń alǵa basady, sol sıaqty basqada kishigirim kózderden bilim ala berý qajet.

- Kardıohýrýrgıa salasyn bitirip, shet elde jumys atqarýǵa kóz qarasyńyz qalaı?

​- Árıne, bul usynys óte jaqsy. Degenmen men óz elime paıdam tıse deımin. Óz halqymyzǵa ózimizdiń janymyz ashyp kómektepesek, ózgeniń jany ashı qoımaıtyny anyq. Biraq shetelde oqyp biliktiligińdi arttyrýǵa meniń kóz qarasym jaqsy. Mysaly, "Bolashaq"​ baǵdarlamasy jastar shet elge baryp tolyq bilim alyp keledi de, óz memleketinde jumys jasaıdy. Al barlyq jaǵdaıyn memleket ózi jasap beredi. Bul keremet emes pe? Memleket jastarǵa jasaǵan eń keremet múmkindik dep, tanýǵa bolady. Shet elde jasaǵan jumysta jaqsy shyǵar, biraq óz elińniń jeruıyǵyńda jasaǵan jumysqa, eshbir qun jetpeıdi

​- Kardıohırýrgıa mamandyǵy Qazaqstan elinde suranysqa ıe me?, óz pikirińizdi aıtsańyz.

​- Árıne suranysqa ıe, mamandyqtardyń biri. Jasyda, káriside júregin emdetemin dep shetel asyp, qanshama shyǵynǵa ushyrap jatyr. Bul salany damytyp, óz úlesimdi qosýda aıanyp qalmaımyn! Óz elimizde de medısınanyń​ jaqsy damyǵandyǵyn halyqqa dáleldep, kórsetý qajet. Sonda ǵana shetel aspaı, óz elimizde emdeletin bolady.

- Nazıra búgingi suqbatyńyzǵa rahmet. Alǵa qoıǵan arman men maqsattaryńyzǵa jetip, bıikterden kórine berińiz. Grant ıegeri atanýǵa sáttilik tileımin!

---