Memlekettik jáne memlekettik emes uıymdar qandaı jaǵdaıda latyn qarpine aýysady
QR Ǵylym jáne joǵary bilim mınıstrligi latyn qarpine aýysý jumystary qalaı júrip jatqanyn baıandady.
Jańa álipbı jumystarymen aınalysatyn Til saıasaty komıteti jańa mınıstrlik qaramaǵyna aýysqan edi.
«Memleket basshysynyń tapsyrmasyna sáıkes qazirgi ýaqytta ýákiletti organ tarapynan lıngvıs-ǵalymdardy tartyp, qazaq álipbıiniń jáne emle erejesiniń jobalaryn qaıta pysyqtaý jumystary júrgizilýde. Sondaı-aq ǵalymdar tarapynan jańa álipbıdiń ǵylymı-lıngvıstıkalyq bazasy, atap aıtqanda, Emle anyqtaǵyshynyń jáne Emle sózdiginiń jobalary, jańa álipbı negizindegi qazaq tiliniń orfoepıalyq anyqtaǵyshy, jańa ulttyq álipbıde kirme termınderdi translıterasıalaý jáne transkrıpsıalaý anyqtaǵyshy jáne basqalary ázirlenýde», - dep jaýap berdi mınıstrlik agenttiktiń resmı saýalynda.
Sonymen birge, mınıstrlik memlekettik jáne memlekettik emes uıymdardyń jańa álipbı negizinde qazaq tilinde is júrgizýge kezeń-kezeńmen kóshýi latyn grafıkasyna negizdelgen jetildirilgen álipbı jáne emle erejeleri tıisti normatıvtik quqyqtyq aktilermen bekitilgennen keıin júzege asatynyn jetkizdi.
Aıta keteıik, latyn álipbıine kóshý taqyryby 2017 jyly kóterile bastady.
Sol jyly 26 qazanda «Qazaq tili álipbıin kırılısadan latyn grafıkasyna kóshirý týraly» Prezıdent Jarlyǵy shyqty.
Byltyr Ulytaý oblysynda ótken Ulttyq quryltaıda Prezıdent Qasym-Jomart Toqaev latyn álipbıine kóshýde jan-jaqty, tereń taldaý jasap baryp, túbegeıli sheshim qabyldaý keregin aıtqan edi.
You Might Also Like
-
Biz álem týraly tym az bilemiz. Kún saıyn jańa jaryqtar, ǵalamdar, planetalar, juldyzdar jáne t.b. paıda bolady. Esińizde bolsyn, ýaqyt plasıkalyq, biz Bolashaqtaǵy ózimiz sıaqty jolmen júremiz, ba...
-
Elimizde kolej stýdentteriniń stıpendıasy 50% kóbeıdi.
