InfoHub Logo

Maqsatqa tek qatelik jasap, tájirıbe jınaý arqyly jetesiń

Tomas Edıson

Jýrnalısıka – qıyndyǵy men qyzyǵy qatar júrer, izdenis pen bilimdi qajet etetin sala. Jýrnalıs bolý úshin alǵyr, bilimdi, izdenimpaz, aıtqan sózi mándi de sándi bolýy tıis. Jýrnalıs bolý arqyly halyqpen tyǵyz qarym-qatynasta bolyp, ár óńirdegi eleń etkizer jańalyqtardan habar etkize alatynymyz sózsiz. Jalpy jýrnalısıka salasy kóp bilimmen qatar jańa aqparattyq tehnologıalardy tolyq meńgerýdi bizden talap etedi. Aqparat ádil tarazy bolyp, adam men qoǵam úshin kirshiksiz qyzmet etse ǵana biz kózdegen maqsattarǵa jete alamyz. Men mamandyq tańdaýda biraz oılandym. Meniń kózdegen maqsatym – bilikti de bilimdi "Jýrnalıs" bolý edi. Dál osy salada ózimdi biraz shyńdap úlgerdim. Meniń tańdaǵan mamandyǵym – bala kezimnen aldyma qoıǵan maqsatymnyń, qıalymda keńge jaıǵan asqaq armanymnyń nátıjesi. Ol – jýrnalıs bolý. Qarapaıym jýrnalıs emes, jahandyq arenada tanymal qazaq jýrnalısi bolý. Qazaq elindegi jýrnalısıka salasynyń bedelin álemdik deńgeıdegi eldermen teńesýine óz úlesimdi qosý. Ózińe sen, ózińdi alyp shyǵar, Eńbegiń men aqylyń eki jaqtap…» dep talmaı eńbektenip, qajyrly jumys jasap, boıymdaǵy shyǵarmashylyq qabiletterimdi damytyp jatyrmyn. Bul mamandyq ádebı tildi, saýattylyqty qajet etedi dep túsinemin. Árdaıym gazet-jýrnaldardy oqı otyryp, ár taqyryptaǵy máselelerdi zerdelep, oı eleginen ótkizip otyramyn. İzdene otyryp, meniń de jýrnalısıkaǵa degen qulshynysym arta túsedi. Ózimdi shyńdaý úshin ártúrli saıystarǵa qatysyp ózimdi synap kelemin. Eseıe kele, bul arman – alǵa qoıǵan maqsatyma aınaldy. Qoryta kele, bilgir Karl Kraýs «Oıyńa birde-bir oı kelmese de, ony qaǵazǵa túsire bilgende ǵana jýrnalıs bolasyń» deıdi. Eń bastysy, jazý sheberligi men oıyńnyń anyqtyǵyn ushtaý qajet. Sonda ǵana bilgir jýrnalıs atanasyń.

Gúlzına Orynbasar

10 synyp oqýshysy Túrkistan oblysy Sozaq aýdany Qaraqur aýyly

---