Bolashaq pedagogtar men doktoranttardyń stıpendıasy artady
Qazaqstanda pedagogıkalyq baǵytta oqıtyn stýdentter men doktoranttarǵa stıpendıa kólemi artady. Tıisti qujat Ashyq normatıvtik-quqyqtyq aktiler portalynda jarıa talqyǵa usynyldy.
Shákirtaqy somasyn kóterýge Memleket basshysy Qasym-Jomart Toqaevtyń 2020 jylǵy 27 mamyrdaǵy Ulttyq qoǵamdyq senim keńesiniń úshinshi otyrysynda bergen tapsyrmasy negiz boldy.
«Joǵary bilimniń bilim berý baǵdarlamalaryn iske asyratyn bilim berý uıymdarynda daıarlaýdyń pedagogıkalyq baǵyttarynda oqıtyn stýdentterge – 42000 teńge», - delingen qujatta.
Al basqa mamandyqtardaǵy stýdentterge stıpendıa burynǵy 26 186 teńge somasynda beriledi.
Munymen qosa, doktoranttardyń stıpendıasy 150000 teńgege jetedi. Qazirgi kezde olarǵa 102 498 teńge somasynda berilip keledi.
Osy qaýly 2020 jylǵy 1 qyrkúıekten bastap qoldanysqa engiziledi.
Eske sala keteıik, bıyl mamyrda QR Prezıdenti Qasym-Jomart Toqaev pedagogıka mamandyqtarynyń stıpendıasyn 26 myń teńgeden 42 myń teńgege arttyrýdy tapsyrdy.
Sonymen qatar Prezıdent doktoranttardyń stıpendıasyn 150 myń teńgege deıin kóbeıtý qajettigin aıtqan edi.
You Might Also Like
-
Abaı Qunanbaıuly-ǵulama, oıshyl, aqyn, aǵartýshy, ultynyń jańa ádebıetiniń negizin qalaýshy, aýdarmashy, kompozıtor retinde el tarıhynda óshpes iz qaldyrǵany sózsiz. Onyń óleńderi men qara sózderinde ul...
