InfoHub Logo

Qazaqstannyń taýelsizdigine shıraq ǵasyrdan  asty, Biz 21- shi ǵasyrda ómir súrip jatyrmyz. Búkil álemdegi elder bir-birimen aralas-quralas kúı keshýde. Bul zańdy qubylys. Óıtkeni, qoǵamdaǵy ózgerister zaman talabyna baılanysty júzege asýda. Bul qubylystar kóptegen jaqsy da jaman da  áserler týyndyryp turaǵanyn kórip otyrmyz.Jaqsysy jyldam aqparat almasýy bolsa, terisi buqaralyq mádenıettiń keleńsiz yqpaly tıýde. Sonda qazaqty qazaq etetin ulttyq bolmysyn qalaı saqtap qalý kerek?

2017 jyly 12 sáýirde Elbasy N.Á. Nazarbaev óziniń «Bolashaqqa baǵdar: rýhanı jańǵyrý» dep atalatyn maqalasynda Qazaqstannyń bolashaq damýyna baılanysty birqatar basym baǵyttardy atady. Sonyń ishindegi basym bir baǵyt – «ulttyq biregeılikti saqtaý» máselesi. Ol asa mańyzdy baǵyttardyń biri ekendigi anyq.

«Bolashaqqa baǵdar: rýhanı jańǵyrý» - eń aldymen, elimizdiń Birtutas ult bolýyn maqsat etip, soǵan barar joldaǵy ulttyń rýhanı bolmysynyń máni qalaı bolýy kerek, neni negizge alyp, qandaı bazalyq qundylyqtardy saqtaýymyz qajet, erteńgi urpaqqa tabystar muramyzdyń sıpaty qandaı bolýy kerek, búgingi jastar muraty qandaı, batysqa elikteý Elimizdiń bolashaq mejesine úlgi bola ala ma degen búginde qazaq qoǵamyn ishteı tolǵandyryp júrgen basty máselelerdiń sheshimi men onyń baǵdary osy baǵdarlamada keńinen qozǵalyp, tıanaqtalǵan.

Álemdegi árbir halyqtyń ózindik ulttyq ereksheligi bar. Máselen, qazaq halqynyń kóne zamandardan búgingi kúnge deıingi tarıhy, qalyptasý joldary, materıaldyq jáne rýhanı mádenıeti, salt-dástúrleri qalyptasqan. Ulttyq erekshelik: tili, salt-dástúri, dini jáne ulttyq qundylyqtaryna baılanysty ózge elderden bólek ajyratylatyny aıtpasa da túsinikti. Osy ulttyq ózgeshelikti sanaý atam zamandardan beri saqtap kelgen bizdiń ata-babalarymyz Altaıdan Atyraýǵa deıingi aralyqta ulttyq biregeılikti qalyptasyra bildi. Biraq, qazirgi ýaqytta jahandaný prosesine baılanysty qaýip-qaterler de bar. Oǵan tótep beretin ár ulttyń ózindik bolmysy myqty bolýy qajet.

Nýrıddınov Otabek

---