InfoHub Logo

Joldaýda qozǵalǵan baǵyttardy keńinen tarqatyp, memlekettik ıdeologıany anyqtaıtyn, kópke túsinikti, rýhanı jańǵyrtýǵa baǵyttalǵan qujat dep bilemin. Maqalany oqı otyryp, onyń árbir sóıleminde búginimiz ben bolashaǵy jarqyn Qazaqstanǵa aparatyn naqty jospar, maqsat kórsetilgendigin túsindim. Elimizde áleýmettik-ekonomıkalyq, saıası reformalar jaqsy júzege asýda. Al bul maqaladaǵy rýhanı órleý, rýhanı jańǵyrýdy bizdiń damýymyzdyń eń basty tuǵyrlarynyń biri dep esepteımin. Ár halyq, ár memleket ǵasyrlar bederinde rýhanı jańǵyryp, jańaryp otyrady. Al rýhanı jańǵyrý men jańarýda bilim berýdiń róli zor. Biz ózimizdiń ulttyq erekshelikterimizdi saqtaı, eskere otyryp, álemde bolyp jatqan jańalyqtardy qabyldaı bilýimiz kerek. Birneshe tildi bilgen adam eshteńeden utylmaıdy. Osy oraıda aıtqym kelgeni, 3 tildi is-sharalar ótkilizý kerek. Sonymen qatar, "Bilekke sengen zamanda eshkimge ese bermedik, bilimge sengen zamanda qapy qalyp júrmelik"-dep Abylaı han aıtqandaı elbasymyzdyń bolashaqqa baǵdar: rýhanı jańǵyrý atty maqalasynda isimizden sanamyz ozyp júrý kerektigi taıǵa tańba basqandaı anyq aıtylǵan.

Bizdiń endigi maqsatymyz tarıhı ulttyq qundylyqtardy saqtaı otyryp, jańaryp jatqan jańa dúnıeniń jaǵymdy jaqtaryn boıymyzǵa sińirip, damyǵan 30 eldiń qataryna ený. Elbasymyz bul turǵyda bolashaqqa qadam basatynymyzdy jáne buqaralyq sanany qalaı ózgertetinimiz týraly rýhanı jańǵyrý maqalasynda óz qózqarasymen, alǵa qoıylatyn maqsatty aıqyndady. Al osy aıqyn maqsattardyń oryndalýy úshin jasalatyn qadamdar asqan kóregendilikpen jasalalýy tıis. Elbasymyz aıtqandaı " jańa turpatty jańǵyrýdyń eń basty sharty ulttyq kodty saqtaı bilý ". Sebebi ótkenińdi bilmeı bolashaqty boljaý múmkin emes.  

Endeshe bolashaqqa bulyńǵyrsyz aıaq basý úshin tarıhymyzdy jańasha jandardyrýymyz qajet. Elbasymyz básekelestiktiń rýhanı jańǵyrý úshin mańyzy zor ekenin atap ótti. Shynymende básekelestiksiz eshnárse bolýy múmkin emes. Elbasymyz aıtqan tujyrymdy oılar eshqandaı eshqandaı dáleledeýdi qajet etpeıtin tájirbıeden ótken qatań qaǵıdalar. Tártipke baǵynǵan qul bolmas degendeı biz elbasymyzdyń qadap aıtqan qatań qaǵıdalaryn qoldana otyryp, damyǵan elderdiń kóshin bastaýymyz kerek. Rýhanı jańǵyrýdyń mańyzy qandaı?

Rýhanı jańǵyrýdyń mańyzy men maqsaty sanasy saý, tarıhyn tanıtyn,revolúsıalyq emes evolúsıalyq damýdy qoldaıtyn, pragmatızmdi saqtaıtyn zamanaýı talaptardy jatsynbaıtyn, ámbebap bola alatyn jańalyqqa qushtar, bilimdar qoǵam qalyptastyrý.  

---