InfoHub Logo

Sabaqtyń taqyryby: Boztorǵaı - dala sáni.
Sabaqtyń maqsaty:
Bilimdilik: Áńgimeni oqyta otyryp mazmunyn ashý, ótken taqyryp boıynsha alǵan bilimderiniń sapasyn anyqtaý.
Damytýshylyq: Oqýshylardyń oı – sanasyn, sózdik qorlaryn damytý, shyǵarmashylyq qabiletin júıeleý.
Tárbıelik: Jan – janýarlarǵa, qustarǵa qamqorlyq kórsetýge tárbıeleý.
Sabaqtyń ádis – tásilderi: túsindirý, suraq – jaýap.
Sabaqtyń túri: aralas sabaq.
Pánaralyq baılanys: dúnıetaný, qazaq tili.
Kórnekilikter: oqýlyq, sýretter, úntaspa, jemsaýyt.
Qoldanylatyn tehnologıalar: Satylaı keshendi oqytý tehnologıasy.

Sabaqtyń jospary:
I. Uıymdastyrý kezeńi.
II. Úı tapsyrmasyn tekserý.
III. Jańa sabaq.
IV. Oqýlyqpen jumys.
V. Dáptermen jumys.
VI. Jumbaqtar saıysy
VII. Halyq boljamy
VIII. Vıktorına suraqtar
IX. Jańa sabaqty bekitý.
X. Baǵalaý

• Úıge tapsyrma berý.
Sabaqtyń barysy:
I. Uıymdastyrý kezeń: sabaqtyń ustanymdarymen tanystyrý.
1. Ýaqytynda bastaý.
2. Belsendi bolý.
3. Sózdi bólmeý.
4. Bir - birimizdi qurmettep sóıleý.

II. Úı tapsyrmasyn tekserý:
Boztorǵaıǵa jaqsylyq jasamaq bolǵandary dúrys pa?
Boztorǵaıdyń uıasy men jumyrtqasynyń basqa qustardikinen aıyrmashylyǵy nede?
Jańa sabaq.
Úntaspadan qustardyń daýystaryn tyńdatý.
- Balalar, bul nelerdiń daýystary?
- Qustardyń.
- Qustar jaıynda ne bilesińder? (Qustar tabıǵatqa sán beredi, aǵashtardy zıankesterden qorǵaıdy, olar tirshilik ıeleri)
Qalqyp turyp aspanda,
Ún shyǵaryp san qıly.
Ónerine basqanda,
Tula boıyń balqıdy. (Boztorǵaı)
Búgingi bizdiń ótetin jańa taqyrybymyz: Boztorǵaı - dala sáni.
Avtor jaıly derek berý.

Oqýlyqpen jumys:
Oqýshylarǵa áńgimeni mánerlep oqyp berý.
Áńgimeniń mazmunymen tanystyrý.
Oqýshylarǵa ishteı oqytý.
Oqýshylarǵa daýystap oqytý.
Mátin boıynsha suraq - jaýap.
Bul mátinnen boztorǵaı týraly qandaı jańa derekter bildińder?
Boztorǵaı qandaı qus?
Mátindegi negizgi oı qandaı?

Dáptermen jumys:
Qustar - bizdiń dosymyz. 3 sóılemnen turatyn shaǵyn shyǵarma jazý.
(Qustar tabıǵatqa sán beredi. Olardyń áýeni tabıǵatty qulpyrtyp, adamdardyń kóńil - kúıin kóteredi. Qustardy qamqorlyqqa alý kerek.)
Úntaspada «Boztorǵaı» áni oryndalyp turady.
Jumbaqtar saıysy.
«Qalt etkizbeı qaǵyp al,
Jaýabyn tez taýyp al»
Áýede bir noqat,
Tapjylmaı qalqyp tur.
Ádemi bir yrǵaq,
Aspannan shalqyp tur.(Boztorǵaı)
Túsi qara maqpaldaı,
Tósi aq syr jaqqandaı.
Ushsa oqtaı zýlaıdy,
Kókten juldyz aqqandaı.( Qarlyǵash)

Kóldiń kórki, sáni eken,
Ushqanda sazdy án eken.
Aqyndar ony maqtaǵan,
Adamdar ony qorǵaǵan. ( Aqqý)

Ormanda joǵary,
Aǵashqa qonady.
Tumsyǵyn balta etip,
Toq - toq soǵady. (Toqyldaq)

Halyq boljamdary.
Halqymyz qustardyń kelýine, ketýine qarap boljamdar jasaǵan. Solardyń birazyna toqtala keteıik.
Qarlyǵash joǵary ushsa kún jyly bolady, tómen ushsa jańbyr jaýady.
Kóktemde qazdar qaıtqanda joǵary ushsa sý tasqyny bolady.
Jańbyr jaýarda qarǵalar ý - da shý bolady.
Shymshyq uıa salsa, qys qatty bolady.
Jyl qusy qaptap kelse, kóktem erte keledi.
Toppen jumys. Qustar jóninde vıktorına suraqtary.
Qustardyń negizgi mekeni ne? (Uıa)
Adam qaı qusty ań aýlaýǵa paıdalanǵan? (Búrkit)
Qaı aı qustyń atymen atalady? (Kókek)
Qaı qusta múlde uıa bolmaıdy? ( Kókek)
Qandaı qus hat tasýshy atanǵan? ( Kógershin)
Qustyń júregi mınýtyna qansha ret soǵady? (960)

Jańa sabaqty bekitý:
Búgingi sabaqtan qandaı jańa málimetter aldyńdar?
Qandaı sezimde boldyńdar?
Sabaq unady ma?
Birikken Ultar Uıymynyń sheshimi boıynsha 1 sáýir Halyqaralyq Qustar kúni bolyp belgilengen.
Qazaq halqy erteden ań - qustardy kıeli sanaǵan. Sulýdy - aqqýǵa, ánshini - bulbulǵa, er jigitti - qyranǵa, ez jigitti - japalaqqa teńegen.
«Qus dosymyz, qorǵaımyz biz,
Súp - súıkimdi, súıemiz boztorǵaıdy biz.
Aǵashqa uıa jasaımyz aq kóńilmen.
Qanatty týysqandy qoldaımyz».

Án «Boztorǵaı»
Baǵalaý.
Sabaqqa qatysqan oqýshylardy baǵalaý.
Úıge tapsyrma berý:
Áńgimeni mánerlep, túsinikti oqý.