InfoHub Logo

Qojanasyr jaıyndaǵy halyqtyq ańyzda mynadaı bir eskertpe bar: «Qojanasyrdyń molasy jardyń eńkish jaǵasyna eńkeıte salynypty, ony kórgende kúlmeı ótken adamnyń beti, aýyzy qısaıyp ketedi eken» deıdi. Myna estelik te sondaı, muny estigende kúlmeı tomsaryp otyra almaısyń. Árıne, betiń, aýyzyń qısaıyp ketpeıdi, tek shek-sileń qata kúlesiń.

Orazalın İlıas aýylda jaldamaly moldalardan oqydy. Odan keıin Atbasardaǵy medresede oqyp, edáýir saýattandy. 1916 jyly maıdan shebindegi qara jumysqa alynǵan qazaq jigitterine basshy boldy. Sovet ókimetiniń alǵashqy jyldarynda saýatty qazaqtar qyzmetke tartylǵanda, ol bastaýysh mekteptiń muǵalimi bolyp taǵaıyndaldy.

Oqyǵany da, toqyǵany da bar, qalalarda jáne «áskerı» qyzmette bolǵan, muǵalim Orazalın İlıastyń orys tilinde aıtylyp júrgen keıbir ataýlardy burmalaǵanyna tańdandyq, tipti ylajsyzdan kúldik.

Birde, mekemede qyzmette otyrǵan kezimizde kelip, syrqat- tanyp turǵanyn aıtty. Ambýlatorıaǵa bar, dárigerge kórindedik. Shek-silesi qata kúldi: «ambýlatorıa» degen sóz oǵan uıatty sóz bolyp estildi.

Erteńinde mekemege kirip kelip, sylqyldap kúldi, kózinen jas aǵyp, aıtqaly kelgen sózin bizge durys jetkize almady. Ol bylaı eken:
Sol kúni qalalyq alańda kóp adam qatysqan mıtıń bolǵan. Onda Ýezik partıa komıtetiniń nasıhat bóliminiń meńgerý shisi Svetlıchnyı joldas halyqaralyq jaǵdaı týraly sóz sóılegen edi. Sol sózderinde ol Amsterdam qalasyn birneshe ret ataǵan- dy. Bul ataýdyń ambýlatorıa ataýy sıaqty, basqy eki áripi İlıastyń qulaǵyna ǵaýrat aty bolyp estilipti. Ol soǵan kúlse, biz onyń orynsyz kúlgenine kúldik.

---