InfoHub Logo

Atbasar ýezindegi Naıman ishinde ár iste uqypty, tiline sheber, sózde utymdy, óz elinde jáne kórshiles elderde bilikti adamdardyń biri. Muqysh atty zıaly qart ómir súrdi.

Birde, qysqy mezgilde, ol bir úıge kelip túse qaldy. Úı adamdary keshki taǵamǵa otyra bastaǵan edi. Uzaq júrip tońyp kelgen meıman ystyq shaımen boı jylytqysy kelip, jaıýly dastarhandy jıǵyzbaı, daıar asqa otyra qaldy.

Dastarhanda shaıdyń salqyn jemderimen birge ystyq qýyrdaq bar eken. Ol syıly meımannyń aldyna qoıyldy. Muqań maıly qýyrdaqtan bir qasyq aldy da, úı ıesine qarap:

— Bul neniń eti? — dedi.

— Soǵymǵa qoldan soıylǵan maldyń eti, — dep jaýap qaıyrdy úı ıesi.

— Joq, bul mal eti emes, ıttiń nemese qasqyrdyń, áıtpese shoshqanyń eti. Al sen qoldan soıǵan maldyń eti dep otyrsyń ǵoı. Olaı bolsa, bul qoshqar men tekeniń, buqanyń, býranyń nemese aıǵyrdyń eti, — dep qart-ata dastarhan aınalasynda otyrǵandardy tamsandyrdy. Biraq olar aqsaqaldan bul odaǵaı sózdiń sheshimin suraı almady. Muqań ózi aıtyp berdi:

— Men ómirimde álgi atalǵan haıýandardyń etin tatyp kórgenim joq. Qýyrdaqtaǵy etti meniń talǵamym qabyldamady, sondyqtan men ony ómirimde tatyp kórmegen et eken dep uǵyndym.

Úı ıesi moıyndady, qýyrdaq qoshqar eti ekenin aıtty.

---