InfoHub Logo

Qazaq Ulttyq ýnıversıtetiniń negizi 1934 jyly 15 qańtarda qalanǵan. Eń alǵash 1937 jyly tórt jyldyq oqý júıesine negizdelgen gýmanıtarlyq shet tilder fakúlteti ashyldy. Qazaq Ulttyq ýnıversıteti óz ımıjin bilim berý júıesiniń betke ustar kórki, ýnıversıtettik dástúrlerdiń, kásibı bilikti ǵylymı jáne pedagogıkalyq mektepterdiń bastaý kózi retinde qalyptastyrdy.

Búgingi kúni Qara shańyraǵymyz 37 mamandyq boıynsha kadrlar daıarlaıtyn joǵary oqý orny jáne ǵylymı zertteý ortalyǵyna aınalyp otyr. Ýnıversıtette eki myńnan astam joǵary bilikti oqytýshy jumys isteıdi,sonyń ishinde 1000-nan astam ǵylym doktory men kandıdaty, 100  akademık pen 50 fılosofıa doktory bar.

Bilim ordasynda stýdentterge jaǵdaı óte joǵary deńgeıde jasalǵan. Bilim alatyndardyń qataryna tek qazaq emes, sonymen qatar basqa ult ókilderiniń qyz-jigitteri de kiredi. Nebir aqyn-jazýshylar men danyshpan ǵalymdar osy ordadan túlep ushqan. Sondyqtan men de osy QazUÝ-dy tańdadym. 

Meıirimge toly shańyraq- jataqhana oryndary, qazaq jáne álem ádebıetterimen tolyqtyrylǵan kóztartar kitaphana, «Keremet» stýdentterge qyzmet kórsetý ortalyǵy men túrli is-sharalar ótetin Ó.A.Joldasbekov atyndaǵy stýdentter saraıy bar. Osylardyń barlyǵy stýdentterdiń jan-jaqty damýy úshin jasalǵan. Sondaı-aq bizdiń qara shańyraǵymyz QS World University Rankings Results reıtıńinde 207 oryndy qanjyǵasyna baılaǵan. Osynyń arqasynda kóptegen stýdentterimiz shetelden bilimin tolyqtyryp, Qazaqstandaǵy eń qajetti mamandar qataryna qosylýda.

Qurmetti oqyrman, toqsan aýyz sózdiń tobyqtaı túıini, óz bolashaǵyńyzdyń jarqyn bolǵanyn qalasańyz, «Qara shańyraq» atty otbasymyzdyń múshesi bolýǵa shaqyramyn. Jarqyn bolashaqqa aıqyn bilimmen attanaıyq, dostar!

   
Qazaq Ulttyq Ýnıversıteti
Ekonomıka Bıznes Joǵary Mektebiniń Bıznes jáne tehnologıalar kafedrasynyń muǵalimi Abısheva.Q.J
Logıstıka mamandyǵynyń 2 kýrs stýdenti Amanjoluly Ádilet

---