InfoHub Logo

Búgin - Qazaqstan Respýblıkasynyń Táýelsizdik kúni.  Osydan 25 jyl buryn (1991) Qazaqstan Respýblıkasynyń Prezıdenti N.Á.Nazarbaev «Qazaqstan Respýblıkasynyń Memlekettik táýelsizdigi týraly» Konstıtýsıalyq zańǵa qol qoıdy. Sóıtip, Qazaqstannyń Memlekettik táýelsizdigi jarıalandy.

Respýblıka óz betinshe ishki-syrtqy saıasatty júrgizetin, óz aýmaǵynda bılikti tolyq ıelengen táýelsiz demokratıalyq jáne quqyqtyq memleket mártebesine ıe boldy. Demokratıalaný jolyndaǵy baǵyt Qazaqstandy egemen, táýelsiz memleket retinde, qazaq halqy ulttyq tilin, mádenıetin, dástúrin saqtap, óz bastamalary men erekshelikterin jańǵyrta alatyndyǵyn jarıa etýge múmkindik berdi. 

Bıyl Qazaqstannyń óz aldyna derbes el bolyp, halyqaralyq deńgeıde tolyqqandy moıyndalǵan memleket retinde ómir súrip jatqanyna 25 jyl tolyp otyr.

«25 jylda júrip ótken aýyr da abyroıly jolymyzdyń máni tutas ǵasyrǵa teń dep aıtýǵa bolady. QR táýelsizdiginiń shırek ǵasyry - Eýrazıa júregindegi Uly dalada jazylǵan myń jyldyq tarıhtyń jańa dáýiri. Bizdiń keń-baıtaq dalamyz - ǵasyrlar boıy san alýan órkenıetterdi toǵystyrǵan 9 joldyń toraby. Batys pen Shyǵys, Soltústik pen Ońtústik osynda Uly Jibek joly boıynda túıisken. Qasıetti qazaq jeriniń jylnamasy - kúlli adamzattyń tarıhyndaǵy talaı-talaı uly oqıǵalardyń shejiresi. Munda san túrli taıpalar men halyqtar, olardyń qudiretti odaqtary men ımperıalary paıda bolyp, asqaqtaǵan. Myńjyldyqtar tolqyny bizge sol zamannyń kóptegen ǵajaıyp jádigerleri men kóne dáýirlerdiń teńdessiz mádenıeti jaıly kóp tylsym jańalyqtardy jetkizdi. Bizdiń Uly dalamyz qazirgi túrki tildes halyqtardyń bári órbigen alyp besik ispetti», - dedi Elbasy Nursultan Nazarbaev Qazaqstan Táýelsizdiginiń 25 jyldyq mereıtoıyna arnalǵan saltanatty jıynda.

 

---