InfoHub Logo

Elimizdegi ádebı basylym «Juldyz» jýrnalynyń ereksheligi san ǵasyrlyq danalyǵyn boıyna jınaqtaǵan álemdik klasıka jaýharlary, 2000 jyldan asa tarıhy bar kóne túrik jáne búgingi túrki tildes ádebıetterdiń ozyq úlgilerimen qosa, esimderi áldeqashan tarıh betterine jazylǵan ata urpaq ókilderin aıtpaǵannyń ózinde, qazirgi qazaq ádebıetiniń klasıkteriniń kóptegen shyǵarmalaryn jarıalap keledi. Buǵan qazirgi tańdaǵy jarıalanǵan sandaryn da oqyp kóz jetkizýge bolady. Jýrnaldyń «Syrsandyq» , «Sóz sáýlesi» , «Túrik dúnıesi , t.b aıdarlarynda óziniń baı mazmunymen, ýaqyt talabyna saı jazylǵan maqalalar jarıalanǵan. Tipti kórnekti qalamgerlerdiń áńgime – hıkaıattary, qazirgi eń tanymal fantasıkalyq, detektıvtik shyǵarmalardyń tańdaýly úlgilerinde oqýǵa bolady. Sonymen qatar halyqtary ádebıetinen jańa tájimalar, din ıslam dáristeri, paıǵambarlar men áýlıe – ámbılerdiń ómirine qatysty ǵıbraty mol ańyz áfsanalar, uly adamdar ómiri, tabıǵat tylsymy týraly qyzyqty hıkaıalar, ǵylym men tehnıkaǵa arnalǵan tanymdyq materıaldary , oqyrmandardyń súıikti «Juldyz» jýrnalyna toptastyrylǵan.

Juldyz jýrnalynyń « Syrsandyq» aıdary men úshin eń erekshe bolyp kórindi. Sebebi bul aıdarda belgili tulǵalar ózderiniń bastan ótken qyzyqty oqıǵalarymen bólisedi. Mysaly Saǵatbek Medeýbekulynyń « Aqyn tilin ardaqtaǵan sózdik» áńgimesinde Muqaǵalı tilimen alǵashqy tanystyǵy jaıly baıandaǵan. Poezıa jarıalatyn sandarynda Júrsin Ermannyń «taǵdyrymda sekildi bir eski óleń» - dep atalatyn óleńder jınaǵy erekshe kózge túsedi.

Jalpy kezindegi Sábıt Muqanovtyń « Sulýshashy», Beıimbet Maılınniń «Sary ala tony» , İlıas Jansúgirovtyń, Ǵabıden Mustafınniń áńgimelerin, Ábilda Tájibaevtyń « Arys tuzy» sıaqty qazaq ádebıetiniń kósegesin kógertip, altyn qoryn baıyta túsken shyǵarmalary eń aldymen «Jańa ádebıette» jaryq kórgen edi. Al qazir izbasary bolǵan « Juldyz» jýrnaly da respýblıkanyń ádebıeti men mádenıetiniń aınasy bolyp otyr.

Jaqypbekov Oljas Aıdynuly

---