InfoHub Logo

Eshnárse qýantpaıtyn, eshnárse qyzyq emes bolatyn kezder bolady. Dál sol kezde ómirińe ózgeris engenin qalaısyń. Erekshe birnárse bolsa eken deısiń. Sol nárse anyq jetispeı turǵan kezder bolady. Ol ne nárse ekenin de bilmeısiń. Biraq, ol seniń álemińdi selt etkizer dúnıe bolýy kerek. Árıne, múmkin emes nársege kim qolyn sozsyn. Adamǵa kúlki syılaý úshin qarapaıym nárselerdiń ózi jetkilikti.Adamdardyń bári qarapaıym tek ony ózderi kúrdelendirip alady. Ómirde bir ǵana qaǵıda. Bar ma bar, joq pa joq! Boldy. Basqasy sene almaımyn, kóne almaımyn, qabyldaı almaımyn, olaı bolýy múmkin emes, tipti de olaı emes degen ózimshil oıdan shyǵatyn aldamshy dúnıeler. Adam ózi unatqan adamǵa nemese zatqa qol jetkizgisi kelse bárin istep baǵady. Bárin! Onyń ishinde sanaǵa syımaıtyn aqymaqtyqtar da bolary anyq. Dál osy jaǵdaıdy ekinshi qyrynan oılap kórgen de durys shyǵar. Bálkim, ol adam nemese álgi zat áý bastan múldem ózge bireý úshin jaratylǵan bolar. Bul shyndyqty qabyldaý qalaýyna jete almaǵan adam úshin qıynǵa soǵady. Ol bastapqy oıynan bas tartpaıdy. Biraq, ýaqyt járdemshi bárin óz ornyna ózi - aq qoıyp beredi. Bárin túsiný úshin múmkin bir jyl, múmkin on jyl, múmkin ómiriniń sońyna deıin ýaqyty keter. Sońǵysy bolsa ókinishti. Qolymyz jetpegen dúnıeler úshin esh muńaıýdyń qajeti joq. Jáne olarǵa ketirgen ýaqyttar úshin de. Ómirimizde oryn alǵan árbir oqıǵa, sol kezdegi sezingen sezimimiz, túıgen oıymyz, odan alǵan sabaǵymyz bári de úlken ómirge, búgingiden de jaqsy ómirge bastar tájirıbe bolmaq. Sol úshin de aıtarym, ótkenge ókinbeńizder, qazirginiń qadirin bilińizder, bolashaqqa úlken maqsattar qoıyńyzdar! Sonda bári de jaqsy bolady.

Muqanǵalı Aqerke

---