InfoHub Logo

Qyzylorda oblysy,
Qazaly aýdany, Áıteke bı kenti,
№234 orta mektebiniń bastaýysh synyp muǵalimi
Jomartova Qarlyǵash

Qazaq tili 4 synyp
Sabaqtyń reti: Jańa sabaq
Sabaqtyń taqyryby: Býyn úndestigi
Sabaqtyń maqsaty:
1. Bilimdilik: Býyn úndestigi jaıly jalpy túsinik. Oqýshylarǵa jalpylaı túsindirý.
2. Tárbıelilik: Úlkenge qurmet, kishige izet kórsetý jáne boıyna jaqsy tárbıelik mańyzy zor qasıetter berip tárbıeleý.
3. Damytýshylyq: Oqýshynyń óziniń oıyn jasyrmaı anyq dálme-dál jetkize bilýge damytý.

Sabaq túri: Jańa sabaq.
Sabaqtyń ádisi: Suraq-jaýap, oı bólisý.
Sabaqtyń tásili: suraq-jaýap, sózjumbaqtar sheshý.
Sabaqtyń barysy: İ. Uıymdastyrý kezeńi.
Amandasý rásimi: Sálemetsizder me oqýshylar!
İİ. Úı tapsyrmasyn tekserý. Suraq qoıý arqyly úı tapsyrmasyn tekserý, baqylaý, baǵalaý.

İİİ. Jańa sabaqty suraý.
Suraqtar qoıý arqyly ótken bilimderdi eske túsirý, pikirlesý.
- Býyn úndestigi degenimiz ne?
Sózdiń sońǵy býynynyń jýan, jińishkeligine qaraı qosymshalardyń da biryńǵaı jýan, biryńǵaı jińishke túrde jalǵanýyn býyn úndestigi dep ataımyz.

- Mysaldar keltirý arqyly dálelde.
Qazaq tilinde sózderge qosymshalar ne biryńǵaı jýan, ne biryńǵaı jińishke bolyp jalǵanady. Muny myna mysaldar arqyly kórýge bolady.
Qosymshalardyń jýan túrde jalǵanýy Qosymshalardyń jińishke túrde jalǵanýy
Jumys-shy-lar-ǵa
Qýanysh-ta-ryń-dy
Aqyl-dy-lyq-qa
Eńbek-shi-ler-ge
Sú-ıin-ish-te-riń-di
Es-ti-lik-ke

Oqýlyqpen jumys
14-jattyǵý
Jýan daýysty dybystary bar sózderdi baǵanyń oń jaǵyna, jińishke daýysty dybystary bar sózderdi baǵanyń sol jaǵyna kóshirip jaz.
Ánshi, batyrlyq, jumysshy, kórermender, joldastar, kúzdik, ózender, balalyq, júzim, aǵash.

16-jattyǵý. Sóılemderdi kóshirip jaz.
1) Tákejan Ábishtiń sózi tyńdalǵan joq. 2)Barǵysy kelmegen ákemdi naǵashym eriksiz áketti. 3) Meıram shahtaǵa ketti. 4) Batyrlyq maıdanda synalady(maqal).
• Jýan daýystylardyń astyn bir syz, biryńǵaı jińishke daýystylardyń astyn eki syz.

Sergitý sáti.
(Kúıshi)
Salystyrý kestesin jasaý.
Baıaǵyda býyn úndestigi degen bir adam ómir súripti. Onyń jýan jáne jińishke degen egiz balasy bolypty. Egiz baldary óte aqyldy bolypty. Bir-birimen óte syılastyqta bir-birine kómektesip otyrady eken. Olardyń kóp balalary bar eken. Qanekeı oqýshylar biz jýan men jińishkeniń baldaryn alma aǵashyna tizip shyǵaıyq.

Alma aǵashyn paıdalanyp jýan jáne jińishke sózderdi eki alma aǵashyna tizý.
Berilgen sózder: Qýanyshty, kóńildi, qaıratty, ádiletti, aqyldy, kórikti, baısaldy, meıirimdi, parasatty, tárbıeli

22-jattyǵý.
Ásempaz, ónerpaz, dárihana, emhana, arbakesh, áýesqoı, sánqoı, bokske, parkten, sehta.
• Qaramen jazylǵan sózderge sóılem quraý.
Bizdiń Samat ónerpaz bala.
Atam arbakeshke minip alyp, aýyldy aralap shyqty.
Bizdiń synypta Raýshan áýesqoı ánshi.
Baldar bokske barǵandy jaqsy kóredi.

IV. Jańa sabaqty bekitý.
Jumys (sońǵy býyny qalaı úndesip tur?)
Eńbek (sońǵy býyny qalaı úndesip tur?)
1. Býyn úndestigi degenimiz ne?
2. Siz ony qalaı túsinesiz?

V. Qorytyndylaý.
Úı tapsyrmasy.
15-jattyǵý.
Óleńdi oqyp, jatqa jaz.
Nan anasy – bıdaımyn,
Yrzyqty elge syılaspyn.
Dánim tolyp, piskende,
Qaýyzyma syımaspyn.
(Ábdibaı Tobıldıev)
• Qaramen jazylǵan sózderge jalǵanǵan býyndar qandaı býyn ekenin jáne sebebin aıt.
VI. Baǵalaý.