InfoHub Logo

SHQO, Aıagóz qlasy, K.M.M.
«K.Boztaev atyndaǵy jalpy bilim berý mektebi»
bastaýysh synyp muǵalimi Slámgazına Nurgúl Muratqyzy.

Taqyryby: «Búldirshin-Arý» atty synyp ishindegi qyzdar syny baıqaýy.
Maqsaty: 1) Egemendi eldiń erteńgi bolashaǵynyń irgesin berik etetin, qazaq qyzdarynyń boıynda mádenıettilik, ádeptilik, ınabatty, ıbaly, sypaıylyq qasıetterin qalyptastyrý.
2) Jan-jaqty bilimdi, saýatty bolýǵa úıretý. Boıyndaǵy ónerin jáne qol óner sheberligin damytý, jetildirý.
3) Analardyń ólsheýsiz eńbegin baǵalaı bilýge, meıirimdilikke, qoǵamnyń belsendi azamatshalary bolýǵa tárbıeleý.
Sharttary: 1). Qyzdyń syrtqy beınesi, kıim kıisi, shash úlgisi, júris-turys mádenıettiligi.
2). Ózin tanystyrý(tegi, týǵan jeri, áýesqoılyq isi t.b.).
3). Bilim deńgeıine kóńil bólý.
4). Ónerge beıimdiligi.
5). Qolynan is keletindigi, sheberligi.
6). Mánerlep ádebı óleń oqý qabileti.
7). Sán kórsetý úlgisi.
8). Maqal-máteldi qanshalyqty biledi.
Osy sharttarǵa basty nazar aýdaryp kóńil bólý.
MARAPATTAÝLAR:
BAS JÚLDE-1
İ-oryn-1
İİ-oryn-1
İİİ-oryn-1 jáne arnaıy nomınasıalar( «Bilimdi arý», «Ónerli arý», «Súıkimdi arý»)
1). «Ana-bizdiń kúnimiz»
2). «Qyz-ómirdiń qyzǵaldaǵy»
3). «Qyz-ósse eldiń kórki, Gúl-ósse jerdiń kórki»
4). «Oqýsyz bilim joq, Bilimsiz kúniń joq»
5). «Oqyǵan jeter muratqa» t.b.
6). Sýretter, sharlar, gúlder t.b.

Barysy: İ. Uıymdastyrý
İİ. Kirispe. Muǵalimniń sózi:
Qurmetti ustazdar, ata-analar, oqýshylar búgin biz úlken merekege jınalyp otyrmyz. Bul kóktem merekesi. Naýryz aıy – úlken merekeler aıy. Kóktemniń shýaqty kúnderimen sabaqtasa keletin bul meıramdy toılamaıtyn halyq joq. Bárimiz ananyń aq sútinen nár alyp, ósip-ónip kelemiz. Kúlli adamzat abzal da, asyl jandardyń aldynda bas ıedi. «qurmettesek anany qurmetteıik» degendeı, mereke qarsańynda biz de osy aıaýly ata-analarymyzdyń basyn qosyp otyrmyz. Merekelerińiz qutty bolsyn, ardaqty analar.

Gúlim: Janym anam, júzińnen nur shashylǵan,
Qysylǵanda tabylasyń qasymnan.
Talaı-talaı sharshatqanym erkelep,
Kórinip tur qyraý shalǵan shashyńnan.
Elnur: Qýanyshpen kúlim qaǵyp qaraısyń,
Sábıińdi shattyǵyna sanaısyń,
Tilegińdi júregińnen syılaısyń,
Sen – men úshin appaq tańsyń araısyń – deı otyryp kezekti analarǵa arnalǵan «ádebı montajǵa» beremiz. (Oqýshylar taqpaqtaryn aıtady.)
İİİ. Negizgi bólim.
Gúlim: Keshimizdi ary qaraı jalǵastyramyz.
Kelesi kezekti elimizdiń erteńgi bolashaǵyn jalǵastyrýshy, «Búldirshin-Arý» saıysyna qatysýshy búldirshin arýlarymyzǵa bereıik.

Elnur:Assalaýmaǵaleıkým, halqym meniń,
Aldymen sálem berý-saltym meniń.
Shyǵady kórkem arý, sulýlaryń,
Qarsy alyp qurmetteıik týǵan halqym.

Gúlim: Armysyzdar, qadirmendi asyl halqym,
Arta bersin abyroı, ataq-dańqyń,
Qarsy alaıyq qurmettep arýlardy,
Ustanǵan qazaǵymnyń ata saltyn.
(Sappen qyzdar ortaǵa kelip turady.)

Elnur: Ádildikpen ár saıysty bastaıtyn,
Týralyqtan eshqashanda qashpaıtyn – tóreshiler alqasymen tanys bolyńyzdar:
1). Tárbıe isiniń meńgerýshisi-
2). Bastaýysh birlestiginiń jetekshisi-
3).Bastaýysh synyp muǵalimi-

Gúlim: Saıysqa qatysýshy qyzdar bir-birden kelip rettik nomerlerińizdi alyńyzdar.
Elnur: Gúl kóńiliń qýanyshtan órildi,
Janaryńnan jalyn nury tógildi.
Jyr ushqyndap tur ǵoı áne únińnen,
Kópshilikke tanyttyrshy ózińdi.
(Qyzdar rettik nómirleri boıynsha ózderin, ortaǵa shyǵyp tanystyrady.)

Gúlim: Al, halaıyq yqylaspen demeıik,
Arýlardyń sán úlgisin kóreıik.
Syry men symbatyna qarap biz,
Ádildikpen baǵalaryn bereıik.
(Arýlar rettik nomerleri boıynsha birinen keıin biri sán úlgisin kórsetedi.)

Elnur:Urpaǵymyz jańa ómir-jańa ǵasyr,
Ottylyq, tektilik bar kózimizde,
Sheshendik, kósemdik bar tilimizde dep kezekti
«Maqal-sózdiń máıegi» saıysyna beremiz.
(Qyzdar arasynda maqal-mátel saıysy bolady.)

Án: Ananyń tili.
Gúlim: Kedeımin dep qysylma,
Óneriń bolsa boıyńda.
Ónerliniń yrysy,
Jarqyrap jatar jolyńda - deı otyryp arýlarymyzdyń ónerlerin tamashalaıyq.
(Qyzdar jeke-jeke óz ónerlerin kórsetedi. Bı, án t.b.)
Elnur:Syrlary kóp ǵylymnyń,
Sheshilmegen áli de.
Tereńdigi bilimniń,
Kerek eken bárine - dep Farıza apamyz aıtqandaı, endi arýlarymyzdy «Bilimdige dúnıe jaryq» atty saıysymyzǵa shaqyramyz.
(Qyzdar sandyqshadan eki retten suraqtardy alyp jaýap beredi.)

Gúlim: Sheberlerim óner tamyp qolynan,
Jańylmaǵan ata-ana jolynan.
Sheber qoldar, qol ónerin kórsetsin,
Biz aıtaıyq tóreligin sońynan - dep kezekti «Sheber qoldar» saıysyna bereıik.
(5 mınýtta óz qolymen, bir zat jasap kórsetedi.)
Bı: Qara jorǵa.

Elnur: Araılap ata bersin aq tań kúlip,
Júretin anashym bar maqtan qylyp.
Júziń nurǵa shattyqqa tola bersin,
Arnaımyn osy óleńdi anashyma-deı otyryp, «Anaǵa tartý» saıysyn tamashalaıyq.
(Úıden daıyndap kelgen óleńderin mánerlep, naqyshyna keltirip oqıdy.)
IV. Qorytyndy.
Gúlim: Baryna rıza bolsyn kórermender,
Kórsetti ónerlerin jas órender.
Osymen saıysymyz aıaqtalsyn,
Qazylar bersin endi shyn baǵasyn.

Elnur: Qazylar ornyqtyrar ádildikti,
Kimderdiń jaýaptary kámil shyqty.
Ónerli, bilimdiler jarysynda,
Jeńiske jeter deımiz naǵyz myqty.

1. Ádil qazylarǵa sóz beriledi.
2. Saıysqa qatysýshy búldirshin arýlar marapattalady.
3. Synybymyzdyń qoǵamdyq jumystaryna aralasyp júrgen analar marapattalady.
4. Qorytyndy sóz.