InfoHub Logo

Toı-dýmanda bireýlerge tili tıip, bireýlermen tóbelesip, astyndaǵy jalǵyz atyn aıypqa tartyp, júre beredi eken. Ol eshkimnen qorqyp, qaımyqpaıdy. Óıtkeni bolys, bıdiń, starshınalardyń tizesi batqan. Jýan taptarǵa qany qas. Ózi — qaraqasqa kedeı.

Bir kúni Bulǵaqtyń Sary degen kári ákesi qaıtys bolypty. Elge habar aıtar kisisi joq jáne bul kedeıge kim keledi. Jazdyń kúni, el jaılaýda. Bulǵaq qolyna soıylyn alyp, ár aýyldyń tusynan «attan, attan, jaý shapty, áketti» dep, ár aýyldyń janynan shaýyp ótedi. Ol ýaq jaýyngershilik ýaqyt. El attanyp, qoldaryna soıyl alyp, jınalyp, «qaıda-qaıdalap»,

Bulǵaq:

— Munda, bylaı ketti, — dep shaýyp keledi, el sońynan qaptap keledi. Biraz ýaqyt shapqannan keıin «jaý munda» dep óziniń aýlyna, óz úıine ákep toqtady da:

— Oıbaı, jaý meniń ákemdi áketti. Sender bir jylqyny jaý áketse, attandap shabasyńdar, meniń ákem bir bas mal qurly joq pa? — depti.

Bireýleri:

— Ákeńdi kim áketti? — degende,

— Qudaıdyń ózi áketti, — depti.

— Eı, mynaý netken sumdyq?! Kisi ólimin «jaý shaptylap» habarlap, namazǵa dep shaqyrýshy edi. Eldi bekerge úreılendirip, ábiger qylǵanyń ne, osynsha? — dep taramaq bolǵan jurtqa, bir aqsaqal eldi toqtatyp:

— Aý, halaıyq, bul Bulǵaq tentekti báriń de bilesińder. Bul «meniń ákem óldi» dep elge ózi baryp habarlaýǵa bola ma? Elge baryp habarlaǵanda, bunyń tilin kim alady? Bul tentek tapqyrlyǵymen, ójettigimen «attandap» qansha halyqty jınady. Al, osy jınalǵan jurt, myna ólgen qart óliktiń qurmeti úshin eldik etip, ortadan qarjy jınap, ólikti qoıalyq. Saýaby tıer. Erteń bárimizdiń de basymyzǵa keler ýaqıǵa ǵoı, — dep halyqty kóndirip, toqtatady. Áldi úıler bir-bir toqtydan berip, jalpy kópshilik tıyn-tebendep qarjy jınap, Bulǵaq
tyń basyndaǵy aýyrtpalyqty kóterip, ákesin jaqsylap qoıyp qaıtady.

---