InfoHub Logo

Fýnksıonaldy saýattylyq- bul tulǵanyń áleýmettik,mádenı,saıası jáne ekonomıkalyq qyzmetine belsene aralasýy,ıaǵnı,óz mamandyǵyna,jasyna qaramastan zaman aǵymyna ilese otyryp,bilimin arttyra túsý.               

Qazirgi tańda men 8 synyp oqýshysymyn.Alaıda,erteńgi kúnniń bolashaǵynyń negizi bolamyn.Al sol erteńgi bolashaqqa bilim berýdegi,fýnksıonaldyq saýattylyq daǵdysynyń paıdasy men kem tustaryn aıta otyryp,kemshilikti túzeý maqsatynda usynystarymdy bildiretin bolamyn.     

Ómirge degen úlken joldy salyp beretin mekteptiń bilim  berýdegi mańyzy zor.Al sol bilim oshaǵynyń qazirgi sáttegi jaǵdaıy men berer tárbıesi qandaı?

Zaman talaby boıynsha bizdiń oqyp jatqan oqýlyǵymyz ben alyp otyrǵan bilimimiz fýnksıonaldy saýattylyqqa negizdeledi.Mundaı oqý túri meniń janyma jaǵady.Sebebi,kezinde tek teorıalyq negizdermen jumys istesek,qazir praktıkamen jumys isteı otyryp,oqýlyqta berilgen oqylym,aıtylym,jazylym daǵdylary boıynsha óz pikirimizdi ashyq jetkize alyp,syrtqy ortamen qarym-qatynas jasaýǵa beıimdelýdemiz.Al munyń keregi ne?Ne maqsatpen jasalyp otyr degen suraq árkimniń kókeıin túsýde.Meniń oıymsha,bul oqý daǵdysy balanyń ortamen tildese alýy men qazaqtyń tarıhyn jan-jaqty túsindirip,ózge de bilim salalarymen baılanystyra otyryp,mamandyq tańdaýǵa óz úlesin qosady.Onyń ústine bala óziniń oıyn ashyq túrde aıta alyp,bir-bárimizdi krıterıı boıynsha baǵalap,árkimniń pikiri ózinshe qundylyqqa ıe bola alady.Áıtse de árbir keremettiń bir kem tusy bolýy haq.Kezinde oqýlyqta qazaq tiliniń negizin salýshy gramatıkany kóptep beretin.Alaıda,qazir biz fýnksıonaldyq saýattylyqqa bet bursaq ta, gramatıkalyq negizdermen jumys isteı almaı jatyrmyz.Biraq,bul oqýlyqtan múlde joıylyp ketken joq.Tek sózdik baǵdar boıynsha azdaǵan málimetter beriledi.Áıtkenmen de bala sóılem qalaı quralady,qazaq tilinde neshe sóz taby bar?degen suraqqa mardymdy jaýap bere alýy úshin gramatıkany kóptep berý kerek.Meniń oıymsha,qazaq tilin jasaýshy gramatıkany ,fýnksıonaldyq saýattylyqqa negizdelgen oqýlyqqa engizý arqyly bir oqpen eki qoıandy atamyz.Sebebi bul sózdiń ózi jan-jaqtylyq degen uǵymdy da qarastyrady.

Bolashaq jastardyń qolynda degen qoǵam sol jastarǵa durys baǵyt bere alýy  kerek.Ata-ananyń tárbıesi bul bastaý,al mektep onyń jarshysy.Bul sózdiń astarynda tyń maǵyna jatyr.Balaǵa ata-ana durys úlgi kórsete bilse,ata-ana balaǵa oń tárbıe bergenin mekteptegi maqtaý arqyly bile alady.Sol sebepten bala ata-ananyń aınasy delinedi.Al tárbıeniń fýnksıonaldyq saýattylyqqa qatysy ne?Bul daǵdy ata-ana men bala,mektep arasyndaǵy altyn kópir.Bul kópirde bala óziniń tárbıesin kórsete otyryp,bilimdi alýǵa bet burady.

Osy aıtqan oıymdy qorytyndylaı kele qarym-qatynasty údetýge,barlyq bilim,oı,pikirdi almastyra alýǵa qabiletti daǵdy-fýnksıonaldyq saýattylyq degen sheshimge keldim.Sebebi,bolashaqtyń jarqyn etýge bilim kerek bolsa,biz sol keleshektiń  kepilimiz.  

---