InfoHub Logo

Týǵan jer-adam ómirinde kıeli oryn alady.Naqty osy jer ony eli men ótkenimen jáne bolashaqpen baılanystyrady. Mine,sondyqtan da tipti balalyq shaqtan bastap-aq adamda Otanǵa degen mahabbat sezimi oıanady.Árbirimiz úshin Otan oshaq basynan bastalady.Týǵan jer,týǵan kóshe,týǵan qala men úshin týǵan jer.Meniń Otanym kishkentaı bolsa da,men úshin asa qymbat jer ol Jetisaı qalasy. Dál osy jerde meniń kóńildi de,shattyqty ýaıymsyz balalyq shaǵym ótýde. Týǵan jerdi uzaqqa qımaısyń.Oǵan degen saǵynysh sezimi basym turady.          

Sen árqashan óziń barmasań da ,oımen qıaldap týǵan kósheni,esiktiń aldynda"atańnyń úıge kir"degen sózderi eske túsiresiń.Júrektiń álsiz dúrsili estiledi.Qazir boı jettim,biraq ta ómir boıy men úshin balalyq shaqtaǵy týǵan aýla men kóshem meniń kishkentaı otanym.Sonymen birge men elimniń kishkentaı bólshegimin,onyń búgini men bolashaǵymyn.Sonymen qatar,týǵan jerim qasıetti de qutty qonys.Ol meni qushaǵynda mápelep qana ósirgen joq,ol maǵan tálimin,tárbıesin berdi.Sonymen qatar eńbekke baýlydy.Onyń tósinde úırengenim men túıgenim kóp.Ondaǵy jasyl túgi basylmaǵan kerilip jatqan kereıshyq keń dala meni salmaqtylyq pen sabyrlyqqa,keńpeıildilikke tárbıeleıdi.Aı janyńda tynyshtyq syılap,anda-sanda árli -beri sıpap ótip,qytyryńa tıetin,barary men keleri beımálim erke jel erkindikke úıretse,syńǵyr kúlkisi eriksiz eliktiretin burymdy ózen-arý bir baıyppen syldyrlap aǵyp, sabyrlyq pen baıyptylyqqa baýlıdy.Tóbesi kókti tilip bultpen syrlasqan mańǵaz taýlardan rýhanı bıiktikti,jaıqalǵan jasyl jeleginen ómirge súıispenshilikti,jyly júzdilikti,qybyr-jybyry taýsylmas jándiginen eńbekqorshylyqty úırenedi ekenbiz.Qarap tursaq adamdyqtyń ózin eńbeginiń óteýin suramaıtyn ańǵal daladan úırenedi ekenbiz.Týǵan jer tósinen jyraqta júrip,saǵynyp kelip qushaǵyna den qoıǵanda eriksiz eljirep,tula boıyńnyń shymyrlaıtyndyqtan da týǵan topyraǵyńdy ańsaǵannan ǵana emes,onyń kókeıińe salǵan adamdyq ustanymyn da saǵynǵandyqtan bolar.

Qorytyndysyna kelsek,týǵan dala tósine júgirip shyǵyp,o shetimen bu shetine kóz júgirtip,aınalańa kóz salsań,aqıyq aqyn M.Muqataev atamyzsha "Paı!Paı!Paı!Kıeli netken jer"demeske esh sharań qalmaıtyndaı.

---