InfoHub Logo

Aldymdaǵy qara telefon bebeýleı jóneldi.

— Iá!

— Ester aǵasyz ǵoı!

— Tyńdap turmyn.

— Qalyńyz qalaı? Esen-aman júrsiz be?

— Amanshylyq. . . tanı almaı jatyrmyn. . . — shynymdy aıttym.

— Iá, tanymaısyz. . . Atym Láıla. . . — júregim dir ete qaldy. Jańa ǵana sońǵy núktesin qoıǵan shyǵarmamdaǵy keıipkerimniń aty.

— Láıla!. . — erkimnen tys kúrsinip jiberdim.

— Aǵa qazir sizge baram. . .

Kel, ıá, kel me, derimdi bilmeı bógelińkirip baryp:

— Qaı jaqtasyń? Qalqam. . . — dedim.

— Alys emes. . . shyǵyp kelemin mine. . . trýbkany qoıa saldy. Láıla dedim kúbirlep. Ómirde ondaı tanysym joq. . .

Aldymdaǵy kompúterimdi óshirmesten tysqa shylym shegýge shyqtym. Qansha oılansam da Láılanyń kim ekenin taba almadym. Kóz aldyma tek jańaǵy shyǵarmamdaǵy keıipkerim aqshýlan kóılegin kólbiretip kele beredi. Art-artynan neshe temekini taýysqan soń baryp qaıtadan ishke kirdim. Shalqaımaly kresloma otyra bergende tyq-tyq etip esik qaǵyldy da, artynsha syrt etip ashyldy. Aqshýlan kóılegi kólbirep manaǵy keıipkerim Láıla kirip keledi. Selk ete qaldym. Kózimdi ýqalap jiberip qaıta qaradym. Meniń abdyraǵan beıneme qarap syqylyqtaı kúlgen Láıla baıaǵydan tanys adamsha moınymnan qushaqtap betimnen súıdi de:

— Qoıshy boldy Ester aǵa! Ótirik tanymaı qalmaı.

— Ǵajap! Rasynda tanymaı otyrmyn. . . sumdyq uqsastyq biraq. . . — dep mińgirlep jatyrmyn.

— Shyǵarmanyń taqyrybyn aýystrý kerek!

— Qaısy?

— Men týraly jazǵan.

— Túsinbedim. . . Sen týraly?!. Bul meniń óz keıipkerim. . . Senimen qatysy joq! Tek keıipkerimniń atynyń da Láıla ekeni bolmasa.

— Túsinbeıtin túgi joq! Jańa ǵana bitirgen shyǵarmańyz. Ondaǵy keıipkerińizdi ózgertý kerek! Sosyn taqyrybyn da! Keıipkerińizdiń aty — Maıra. Al, taqyrby «Kezdesý» emes, «Aıyrlysý» bolýy kerek.

— Qoı aınalaıyn! Ol meniń shyǵarmam. Qandaı taqyryp qoıam óz sharýam, — men shamyrqana qaldym.

— Onda nege men týraly jazasyz?!

— Sen týraly emes!

— Ester aǵa! Shyǵarmańyz jańa shyqqan kitap týraly ǵoı.

— Iá.

— Ýaqıǵa jelisi kenetten jaýǵan jańbyrmen bastalady.

— Solaı. . .

— Janyńyzǵa Láıla kelip otyrady.

— Ony qaıdan bilesiń?

— «Kúlgin kóılek» týraly aıtady. . .

Shynymen de solaı-tyn. Bárin qaıdan bilip alǵan dep qaıran qalyp otyrmyn.

Qyz Bosaǵa jaqta turǵan jyljymaly oryndyqty janyma súırep ákeldi de ornyǵyp otyryp:

— Bárin shatastyryp jiberdińiz. Kompúterińizdi ashyńyz, basynan bastap durystap shyǵamyz. Áýeli taqyrypty ózgerteıik. Sosyn ary qaraı ketemiz. . . Men tiltaqtaǵa saýsaqtarymdy qoıdym da, qyzǵa qaradym.

— «Kezdesýdi» «Aıyrylysý» dep ózgertińiz. Men óz erkimnen tys aıtqanyn oryndap bolyp esimdi jıdym:

— Joq, ózgerte almaımyn! Shyǵarmamdy oqýyńa bolar. . . Biraq ózgertýge jol bermeımin!

— Ózgertemiz! —qyz qoıar emes. Ózimdi barynsha sabyrly ustaýǵa tyrystym.

— Qalqam, Láıla bolasyń ba, basqa bolasyń ba, meniń shyǵarmammen esh qatysyń joq. . . Kóldeneń kók attynyń sózine bola ózgerter jaıym joq! — sózimniń sońy qattyraq shyǵyp ketti.

— Ester aǵa! — ol kresloǵa shalqalaı otyrdy. Kózderiniń astynan boılaı sozylǵan kózge kómeskileý sekpili qyz ajaryn tipten ádemi kórsetip tur. — Siz ózgertpeseńiz men ózgertem ony. . . dedi kóıleginiń jaǵasyndaǵy jypyrlaǵan qalyń túımelerdi aǵytyp jatyp.

Aǵytylǵan túımeler sezimimdi qytyqtaı bastady. Aǵytyla-aǵytyla tóńkerilgen tostaǵandaı tyrsyıyp turǵan omyraýynyń tusyna kelgende bitip qaldy.

— Bólmeńizdiń tynysy tar eken. . . — qyz tereń dem alyp jeńil kúrsindi de:

— Endi shyǵarmany bastap oqıyq dedi. — men únsiz keliskendeı boldym.

«Jumys ornyma baspada jatqan kitabymnyń súınshi danasy kelgen eken. Qujyrama jetip jata-jastana qarap shyǵaıyn dep syrtqa shyqtym. Álginde ǵana shaıdaı ashyq aspan lezimde túnerip áp-sátte nóserlete jóneldi. Aıaldamaǵa deıin uzasa elý qadam shyǵar. . . Qolymdaǵy kitabymdy qoltyǵyma tyǵa salyp tura júgirdim. Jańbyr emes tóbeden bireý ádeıi shelektep sý quıyp turǵandaı tula boıym sýǵa malshynyp aıaldamanyń qaltqysyna ázer jettim. Meniń kelgenimdi kútkendeı jolaýshylar kóligi de yńyrana kelip, kúshenip ázer toqtady. Qaltqyǵa tyǵylyp turǵan jurt jartylaı ashylǵan esikke lap qoıdyq. . . »

— Toqtańyz. . . Basynan bastap ózgertemiz. Ol bylaı bastalǵan:

— Joq! Men saǵan tek oqýǵa ǵana bolady dedim!

— Taqyryp ózgerdi ǵoı. . .

— Nesi bar! Óz taqyrybymdy qaıta qoıa salam!

— Bastalǵan dúnıe aıaqtalýy kerek!

— Iá «Kezdesý» dep bastaǵam. Solaı aıaqtadym.

— Iá, siz «Aıyrylysý» dep qaıta bastadyńyz. . . — ózimdi qansha ustamdymyn degenimmen shart syndym.

— Quryshy bar! — qolymnyń qalaı qatty sermelip ketkenin ózimde ańǵarmaı qaldym. Abaısyzda tıgen qatty soqqydan kreslodan ushyp ketken Láıla:

— Bulaı isteýińizge bolmaıdy! Bolmaıdy-ǵoı. . . Aǵataı-aý, maǵan ne istediń? — dedi yńyranyp jatyp. Áldebir tylsym kúsh tula boıymdy dir etkizdi. Osy bir sóz qaıdan, qashan ekenin belgisiz qulaǵymnyń túbinde qalǵandaı. Abaısyzda ashýyma sonsha erik bergenime qatty uıaldym.

— Keshirshi qalqam! Abaısyzda qatty ketip qalyppyn. . . aıyp etpeshi. . . — Láılani ornyna ákelip otyrǵyzdym. Aýyrsynǵan shyntaǵyn ýqalap otyryp tiltaqtany ózine tartyp tere bastady:

«Tús áletinde jumys ornyma jaqyn jerdegi «Jastar saıabaǵyna» baryp, qatar ósken qos qaıyńnyń túbindegi oryndyqqa otyryp alyp baqtyń ásem kórnisine kóz júgirtýdi ádetke aınaldyrǵanyma biraz ýaqyt bolǵan. Tańnan beri toqtamaı quıyp turǵan jańbyrdy oılap búgin barmaı-aq qoıaıyn degenmin. Álde bir dúnıem kemip qalǵandaı bir orynda baıyz taba almaı tús aýyp ketkenshe degbirsizdendim. Aqyry qol shatyrymdy kóterip baqqa qaraı keldim. . . », — dep toqtady da.

— Mine osylaı bastalatyn. . . Endi ary qaraı oqyńyz. . .

Men esh qarsylyqsyz oqı bastadym.

«Ázer degende ishke enip, art jaqtaǵy kóp bos orynnyń birine baryp jaıǵastym da, qoltyǵymdaǵy kitapty alyp silkilep sýyn keptire bastadym.

— Aǵa ary ótip ketsem bola ma? —aqshýlan kóılegi jaýynnyń sýynan tánine jabysqan aqquba qyz dir-dir etedi. Men tereze jaqqa qaraı syryldym da, óz orynymdy bosattym.

— Kún shaıdaı ashyq bolǵasyn qolshatyr almaı shyǵyp edim, — qyz qymsyna til qatty.

— Men de,—dedim kitabymdy paraqtap. . . »

— Tura turyńyz, —dedi Láıla daýsyn sozyp.

— Láıla! —osymen toqtataıyq boldy! Men jazbaǵan sen oqymaǵan bol!

— Bolmaıdy! Bastalǵan dúnıe aıaqtalýy kerek!

— Láıla! —ol meni tyńdamaı ary qaraı til taqtany sytyrlata jóneldi.

«Kúndegi arly-berli qaıshalysyp júretin adamdar saıabyrlaǵan, oqtyn-oqtyn jańbyrdan qashyp asyǵa júgirip bara jatqandar ǵana kórinip qalady. Shatyrlaı jaýǵan jańbyr qol shatyrdy tesip jibererdeı. Jol boıyndaǵy shuńqyrlarǵa jınalǵan sýlardy aınalyp ótip, qos qaıyńnyń túbine keldim. Meniń kelýimdi kútkendeı jaýyn sap tıyla qaldy. Qol shatyrymdy silkilep baryp jınadym da oryndyqtyń betindegi sýdy qolymmen sypyryp dymqyl oryndyqqa jalp etip otyra bergenim sol edi:

— Týý, aǵa sizdi izdemegen jerim joq,jańbyrlatyp qaıda ketip qalǵansyz, —dep sýǵa malmandaı bolǵan Maıra keldi qasyma. Qolynda sý-sý bolǵan kitap bar.

— Kel! Kel! Myna jańbyrda óziń ne istep júrsiń, otyra ǵoı, — men bir shetke qaraı syrǵyp jańaǵy qolymmen sýyn sypyryp tastaǵan ornymdy berdim. . .»

— Osylaı-tuǵyn. Al, ary kettik. . .

— Qalqam! Buniń tipten bólek dúnıe! Óziń-aq jeke bir áńgime qylyp jazyp almadyń ba?!

— Kim aıtty bólek dúnıe dep! Ózgertip jazyp tastaǵan siz ózińizsiz

— Láıla men ne jazam ózim bilem! Onda seniń ne aqyń bar!

— Iá ne jazatynyńyzdy ózińiz bilesiz. . . Biraq. . .

— Biraq ne boldy al?

— Bul jerde siz meni jazǵansyz. . .

— Qoıshy aınalaıyn sen emessiń!

— Menmin!

— Emessiń esýas!

— Óziń esýassyń! Oıyńa kelgenniń bárin istep alyp ótirik jaltaryp otyrǵan. . . Esýas ózińsiń. . . — Láılanyń shańqyldaǵan daýsy qulaǵymdy tesip jibererdeı boldy. Nege ekenin qaıdam men tez basyldymda ary qaraı oqı bastadym.

— Qandaı kitap?..

Sál qymsynyp qaldym. Boıymdy tez jınap:

— Baspada kitabym jatyr edi. . . Sonyń alǵashqy nusqasy ǵoı, —barynsha salmaqty bolýǵa tyrysyp jatyrmyn. . .

— Qandaı keremet! Siz jazýshysyz ba?

— Az-munsha áýestigim bar.

— Atyńyz kim, — degen qyzǵa qolymdaǵy kitapty usyndym. Kitapty qolyna alǵan qyz balasha qýanyp:

— Aa. . aǵa bilem sizdi. . . Sizdiń «Gúldi kóılek» shyǵarmańyzdy súıip oqyǵanmyn. . .

— Rahmet!»

— Toqtańyz tipten laǵyp ketipsiz, — dep Láıla endi saıtandaı qubylyp syqylyqtaı kúlip ary qaraı jalǵady. Men eshnárse demedim.

«Maıramen ped ınstıtýttaǵy shyǵarmashylyq kezdesýde tanysqanmyn. Sońǵy kýrsta oqıdy. Jastardyń ishindegi jaqsy jazyp júrgen qyz. Sol kezdesýde arnaıy úsh áńgimesine toqtalǵan edim. Ózimshe baǵyt-baǵdar bergendeı bolǵam. Sońyra bir kezikkende baspadan áńgimeler jınaǵy shyqqaly jatqanyn aıtqan-tuǵyn.

— Áýeli sizge kórseteıin dep arnaıy keldim, aǵa! Kitabym shyqty. . . súıinshisin beresiz. . .

— Al! Ala ǵoı qalqam! Jazaryń kóbeısin! Qalamyń qarymdy bolsyn! Qandaı keremet! Instıtýtty bitirmeı jatyp kitaby shyǵý ekiniń biriniń basyna buıyrmaıtyn baq, — dep men baıǵazysyn bermekke qaltama qolymdy saldym. . . »

— Mine osylaı bolatyn. Endi sizdiń jazbańyzdy oqıyq.

«— Kórsem bola ma, — qyz úzile qarady. Boıymdy áldebir ystyq aǵyn sharpyp ketkendeı boldy. Jalma-jan qolymdaǵy kitapty ustata berip:

— «Gúldi kóılek» bar ma ishinde?

— Joq. Mundaǵynyń barlyǵy jańa shyǵarmalar. . .

— Shynymen be, — qyzdyń kózqarasy janymdy elitip barady.

— Iá. . . Iá. . . aıtpaqshy óz jónińdi aıtsańshy.

— Men be? Men. . . Men, —qyz óz atyn ózi umytyp qalǵandaı sál tosylyp baryp,— Láılamyn. Osynda ped ınstıtýtta oqımyn, —kitapty paraqtap jatyp:

— Aǵa, boldy, myna kitapty endi sizge bermeımin, —deıdi qýlana.

— Aınalaıyn-aý! Ózim de áli oqyǵam joq!

— Esesine ózińiz jazdyńyz ǵoı.

— Súıinshi nusqasy, ishinde kózge kórinbeı ketip qalǵan qateler bolýy múmkin. Úıge aparyp sony qarap shyǵýym kerek. Sosyn ala ber.

— Mmm. . . —qyz sál oılanyp otyryp baryp jalt qarady da,— Onda sizben birge úıińizge baryp oqysam bola ma? — dedi.

Jópelmede ne aıtarymdy bilmeı tosylyp qaldym.

— Aa. . . jaraıdy. . . Bildim. . . jeńgemnen yńǵaısyzdanasyz ǵoı. Rasynda solaı ǵoı, á, aǵa?! Jeńgem qyzǵanyp tóbeńizge shaı qaınatar, — syqylyqtap kúle jóneldi.

— Joq! — dedim men shoq basyp alǵandaı.

— Onda. . ?

— Tóbeni qoıyp ishýge shaı qaınatyn adam joq. . . Súrlengen sur boıdaqpyn, —qyzdyń qabaǵy túıilip baryp qaıta jazyldy...

— Keshirińiz, bilmedim. Biraq ózińiz oqyp bolǵan soń, múmkin erteńderi bere turarsyz. . .

— Iá, ıá, —dep baryp ózim oılanyp qaldym. . . Áldebir tylsym sezim júregimdi órekpitip ózimdi bıleı almaı bara jatyrmyn. Arǵy jaǵymnan áldebir kúsh «seniń baıaǵydan tappaı júrgen baq qusyń osy. Aıyrylma, ertip ket. Budan aıyrylsań, ómir boıy jalǵyz qalasyń! Seniń syńaryń osy», — degendeı bolady. . . »

— Joq! Joq olaı emes, —Láıla kompúterdiń ekranyn ózine qaraı qaıta buryp aldy.

«— Aǵataı, men úshin osy kitapty bir sholyp qarap bergenińizdiń ózi úlken baıǵazy. Áýre bolmańyz. Tek kitapty sizge qaldyrsam. Erteńge deıin bir qarap berseńiz. . .

— Iá, qalqam, qýana-qýana qarap beremin, — dep kitapty paraqtaı bastadym. Paraqtap otyryp, Maıraǵa qaradym. Jańbyrǵa shylanǵan shashy ıyǵyna jabysyp sý bolǵan kóıleginiń etegin jelpip keptirip otyr. Sýyqtan denesi dir-dir etedi. Ústimdegi kostúdi sheship, qoıarda qoımaı ıyǵyna jaýyp jatyp, júregim keýdeme syımaı atqalaqtaı jóneldi. Baıaǵydan qalaı baıqamaǵam, qandaı sulý músin? Perishteniń ózi osyndaı-aq bolar dep oıladym. Sosyn baryp:

— Maıra, bul kitapty ekeýmiz birge oqıyq, — dedim.

— Qoıyńyz aǵa! Jeńeshem ne dep oılaıdy? Sizdi qoıshy, er azamatsyz, myna qyzǵa ne bolǵan demeı me? Ózińiz aparyp oqı berińiz, — dep qyz shoq basyp alǵandaı boldy.

Men daǵdaryp biraz otyrdym da:

— Joq bizdiń úıge emes,basqa jaqqa baramyz,—dedim.

— Bolmaıdy, qaıda barmaqsyz? Úıińizde balalaryńyz, jubaıyńyz kútip otyr. Men olaı isteı almaımyn, —qyz kóner emes.

— Maıra! — deımin men de ózeýrep: — Sen shyǵarmashylyq adamysyń ǵoı. Onda turǵan dáneńe joq. Men aǵańmyn. Jeńgeń qate oılamas úshin basqa jaqqa barǵanymyz yńǵaıly. Birlikte otyryp qarap shyǵamyz, — sanamdy saıtan sezim ábden býyp alǵan, — jazǵan avtor óziń bolǵan soń birge oqyǵanymyz durys, erteń kitabyńnyń bir árpi qate ketse de ómirlik ókinishke qalasyń. Eshnárse etpeıdi, birge baramyz da tańǵa deıin oqyp bolyp qaıtamyz. Alańdaıtyn eshnárse joq. Shynyn aıtsam men úshin emes óziń úshin. Óz shyǵarmashylyǵyń úshin kerek dúnıe. Qoıarda qoımaı júrip aqyry kóndirdim. . . »

— Týra osylaı bolatyn, — dedi Láıla ekrandy maǵan qaratyp jatyp.

— Láılanyń manaǵy aǵyltǵan túımelerine, rasynda kóılektiń ashyq jaǵasynan kórinip turǵan appaq anaryna kózim túsip boıymdy álde bir saıtan sezim keze bastady. Meniń qarasymdy ańǵaryp qalǵan qyz keýdesin alaqanymen kólegeılep. — Uıatsyz. . . ary qaraı oqyńyz. . . dep qýaqylana kúlip jiberdi.

Men ekranǵa úńildim.

«— Saǵan bir ótinish aıtaıynshy, — dep Láılaǵa qaradym. Betime jalt qaraǵan ol:

— Ne aıtasyz, — dedi.

— Osy kitapty ekeýmiz birlikte oqıyqshy.

— Búgin kesh bolyp ketti aǵa. Erteń ertemen kele alam, — qyz rıasyz shynyn aıtyp otyr.

— Joq búgin oqý kerek! Erteń ertemen baspaǵa jetkizip berýim qajet.

— Onda bir ózińiz oqısyz. Bóten úıge barý yńǵaısyz ǵoı.

— Nesi yńǵaısyz. Oqyp bola sala jataqhanańa ákelip tastaımyn.

— Solaı bolǵanda da, bara almaımyn aǵa!

— Láıla bizdi osy kólikte taǵdyr osy kitapty birge oqýǵa jolyqtyryp otyrǵan shyǵar. Bul kitaptyń alǵashqy nusqasyn avtor men oqyrmannyń birge oqýyna jazǵan bolýy kerek. Bir oryn aldyǵa ne keıin otyrǵanyńda bir-birimizdi bilmes te edik qoı. . . Qyz oılanyp qaldy da:

— Uıat bolmaı ma, —dep etegin jumarlap tómen qarady. Tópep turǵan jańbyrda yrǵatyla ilbigen kóliktyń júrisi mandyr emes. Qyz keliskendeı boldy. Júregim alyp ushyp aıaldamaǵa jete almaı kelemin. Áıteý es ketip jan shyqqanda jettik. Ázer ilbip basqan Láılany qolynan súıregendeı bolyp júrip qujyrama jettim.

Esikten kire shashylyp jatqan kitaptarmen quıqalanyp jatqan kıimderdi kórip, ańyryp turyp qalǵan Láıla:

— Úılenýińiz kerek qoı! Myna shashylǵan dúnıeniń ishinen esikti qalaı adaspaı taýyp shyǵyp júrsiz, —dedi kúlip.

— Iá, — dedim men de uıalǵannan ótirik jymıyp.

— Siz kitabyńyzdy oqı berińiz. Men áýeli úıdi retke keltireıin. Sosyn baryp oqımyn. Áıtpese myna jerde siz ekeýmiz bir-birimizden adasyp qalarmyz, —dep syqylyqtaı kúlip baryp syrtqy kıimin ildi de, úıdiń burysh-buryshynda úıilip jatqan kıimderdi alyp búkteı bastady. Meniń kitap oqýǵa zaýqym soǵar emes. Láılanyń ár qımylyn baǵyp tereń qıaldyń shúńetine shógip baram. Salt júrip úırenip qalǵan ómirim ádire qalyp, Láılam menimen máńgi qol ustasyp osynda qalsa ǵoı dep armandap otyrmyn.

— İshinde taza bir kıim joq. Mynalardy qalaı kıesiz? Láıla meni bir túrli músirkeı sóıledi.
Jańaǵy tátti qıaldan selt etip oıansam da oǵan aıtarǵa sóz tappaı yrjalaqtap kúlgen bolyp jatyrmyn. Kıim-keshektiń bárin búktep kreslonyń ústine jıǵan Láıla:

— Mynanyń bárin jýý kerek, — dep, endi shashylyp jatqan kitaptardy rettep kitap sóresine qoıyp bolyp janyma keldi de:

— As-úıdi de retteýime bola ma? — dep surady óz bolmysnan tys baısaldy únmen.

— Árıne! Qýana kelisem ǵoı.

— Onda bir shartym bar.

— Qandaı shart? Ne deseńde maqul!

— Meni qate túsinbeńiz!

— Atama!

— Taǵdyr týraly aıttyńyz ǵoı baǵana.

— Iá.

— Taǵdyr meni osynda ádeıi ákelgen shyǵar.

— Múmkin.

— Shartyńdy aıtsańshy. Ne deseń de maqulmyn!

— Qalasańyz qasyńyzda qalamyn.

Júregim jarylyp ketýge tás qaldy. Basym aıaq asty qonǵan baqtan aınalyp barady.

— Taǵyda aıtarym, qate túsinbeńiz! Sizdiń ár shyǵarmańyzdy oqyǵan kezde sizdi sondaı baqytty jan shyǵar dep oılaıtynmyn. Sizdi qandaı baǵy bes eli adam alaqanyna salyp aıalap otyr eken dep oılaýshy edim. Myna jaıyńyzdy kórip, qalasańyz qalsam dep sheshtim. Shartym sol qabyl kórseńiz ydys aıaǵyńyzdy ózim ustaımyn.

Onyń ary qaraı ne aıtqanyn estı alǵam joq. Ornymnan qalaı atyp turyp ash belinen qapsyra qushaqtap bet-aýzynan túk qaltyrmaı óbip jatyrmyn. . . »

— Toqtańyz endi,bulaı emes! Tipten bulaı aıaqtalýy múmkin emes, — Láıla ary qaraı tiltaqtany tere jóneldi.

Men ashylyp qalǵan keýdesinen kóz ala almaı áli otyrmyn. . .

«Qalanyń shet jaǵyndaǵy kúndikke páter jaldaıtyndarǵa baryp, áldebireýimen kelisip, bir túnge páterin aldyq ta mańyndaǵy dúkennen ishpek-jemek pen qosa bir qumyra sharap alyp bólmege endik.

Men terezeniń aldyndaǵy stýlǵa jaıǵasyp, Maıranyń kitabyn oqı bastadym. Al Maıra jańaǵy dúkennen alǵan dúnıelerdi alyp as úıde dastarhan qamyna kiristi.

Men birinshi áńgimeni oqyp bitirgen kezde janyma kelgen Maıra:

— Shaıǵa kelińiz, bir kese ystyq shaı iship alyńyz, — dep qıylyp tur. Shaı ústinde shyǵarma týraly biraz maqtaýlar aıttym. Ol qatty qýandy. Men baǵanaǵy sharaptyń aýzyn ashyp:

— Osy qýanyshyń úshin bir stakan tartyp jiber, — dep qoıarda qoımaı otyryp ishkizip jiberdim de, ózime bir stakan quıyp, onyń shyǵarmashylyǵy týraly kósile sóılep otyryp, taǵy birneshe stakandy art-artynan ishkizdim. Buryn sharap ataýlyny iship kórmegen qyz tez mas bolyp qaldy.

— Aǵa! Siz nege meniń ońasha úıge alyp kelesiz? Siz nege jeńgemniń qasyna barmaısyz? Sizdiń oıyńyz aram emes pe? Ondaı oılaýshy bolma! Men kimmin? — dep aýzyna kelgenin aıta bastady. Ornynan turam dep táltirektep baryp bosaǵa súıenip otyra ketti. Qoltyǵynan demep tósekke ázer jetkizdim de eńkeıip jatqyza bergenimde ózim de táltirektep ústine qulap tústim.

— Ket! Ket aǵa! — dep qolyn dármensiz sermeı bastady. Ornymnan turyp bara jatyp oıym qaıta buzylyp, ústine qulaı kettim de, erninen óbe bastadym. . .

— Bulaı isteýińizge bolmaıdy! Bolmaıdy, — dep tunshyǵa shyqqan daýsy tipti eliktire tústi. Tań qylań bergende julqylap oıatty.

— Aǵataı-aý, maǵan ne istediń, — dep eńrep jylaǵan Maırany belinen qushaqtap ózime qaraı tarttym. . .»

— Ester aǵa, mine osylaı aıaqtaýy kerek,— dep tiltaqtany maǵan qaraı syrǵan qyzdy qushaqtaı alyp erninen súıe bastadym.

— Qulaǵyma Láılanyń baǵana qulap jatyp aıtqan sózi qaıta keldi.

— Ester aǵa! Aýa jetpeı tunshyǵyp baram, jibershi boldy. Syrtqa shyǵaıyq, — dep jalynǵan qyzdy ázer bosatyp ornymnan turdym.

Ekeýimiz de únsiz syrtqa shyqtyq. Uzynnan uzaqqa sozylǵan kósheni boılap júrip kelemiz. Kósheniń kelesi basyna jete kesip ótip jatqan ózenniń jaǵasyna burylyp, sol únsizdikpen samsyǵan qalyń qaıyńdy aralap kele jatyrmyz. Kún uıasyna kirip, qas qaraıa bastaǵanda Láıla:

— Sharshadym boldy! Endi júrerge shamam qalmady, — dep maǵan súıene ketti. Ash belinen qapsyra qushaqtap turyp:

— Láıla saǵan birdeńe aıtaıynshy degen meniń moınyma bilegimen asyla ketken ol:

— Ester, men Láıla emes, Maıramyn ǵoı... — dedi.

---