InfoHub Logo

Bıologıa 6 synyp
Sabaqtyń taqyryby: Býnaqdenelilerdiń damýy. (prezentasıasymen)

Sabaqtyń maqsaty: Býnaqdenelilerdiń kóbeıý jáne damý erekshelikterin oqyp úırený.
Bilimdiligi: Bilim mańyzdylyǵyn túsinip, qajetti is – áreketti belsene jáne óz betinshe oryndaýǵa, tapsyrmalardy ózi tańdap, izdep tabýǵa, qur málimet alýmen shektelmeı, sabaq barysynda óz pikirin ashyq aıtyp, suhbat júrgizýge, rýhanı jáne áleýmettik jaǵynan bilimderin kóterý.
Damytýshylyǵy: Balanyń dúnıetanymyn keńeıtip, rýhanı ósýine, jeke tulǵa retinde ózindik pikirin qalyptastyrýǵa jaǵdaı jasaý.
Tárbıeliligi: Tabıǵatty súıýge jáne qorǵaýǵa, týǵan elin, jerin súıýge, adamgershilikke, eńbekke, uqyptylyqqa, jan - janýarlardy aıalap kútýge tárbıeleý.
Kórnekiligi. Úlestirmeler, plakat, jándikter jınaqtamasy, kýbık.
Sabaqtyń túri. Aralas sabaq..
Pán aralyq baılanysy. Mańǵystaý janýarlar dúnıesi. Bıologıa 7 - synyp oqýlyǵy.
Valeologıa. Geografıa, Bıologıa, Ekologıa orta mektepte jýrnaly. Geometrıa.
Sabaqtyń ádisi. Túsindirý, suraq jaýap, bıologıalyq dıktant, keste, kýbızm strategıasy, STO strategıalarynyń túrleri
test suraqtary.

Sabaqtyń barysy. Uıymdastyrý kezeń.
a) Oqýshylardy túgendeý.
á) Kerekti quraldaryn retteý
b) Úı tapsyrma suraý.
Oqýshylarǵa búgingi sabaǵymyzdyń erekshe sabaq bolatyndyǵyn aıtamyn. Sonymen búgingi sabaǵymyzdy jarys túrinde ótkizbekshimin. Oqýshylardy eki topqa bólemin. «Inelik»jáne «Kóbelek» toby dep.
Ár toptan eki oqýshydan úı tapsyrmasyn suraımyn. Ár suraqtyń jaı jáne kúrdeliligine baılanysty upaı sandaryn qoıamyn. Ár top óziniń ıaǵnı ıneliktiń jáne kóbelektiń sýretin salyp sabaqtyń sońynda kórsetý kerek ekenin aıtamyn.
Qosymsha, sabaq sońynda ár top ózine baılanysty bir - bir shýmaq taqpaq aıtý kerek ekenin de eskertemin. Ádil qazy alqasy Bıologıa páni muǵalimi Amanbeva Naǵıma oqýshylardyń alǵan upaı sandaryn belgilep otyrady.

1-bólim Úı tapsyrma ( 2 - shi jáne 3 - shi tapsyrmaǵa shyqqan oqýshylarǵa, qosymsha bir - bir suraqtan qoıylady. Eger bilse 5 upaı, bilmese 4 upaı qoıylady. Úı tapsyrmasyn bólimderge bólip suraımyn)
1. Kóbeıýdiń bıologıalyq máni jáne kóbeıýdiń túrleri.(5)
2. Jynyssyz kóbeıý(4)
3. Jynysty kóbeıý (4)
4. Kópjasýshaly janýarlardyń kóbeıýi (5)

2-bólim Ótken sabaqty qorytý «Menen suraq - Sizden jyldam jaýap»
1. Kóbeıý degenimiz ne?(5)
2. Kóbeıýdiń qandaı túrleri bar? (4)
3. Zıgota degenimiz ne?(5)
4. Dara jynys qalaı belgilenedi?(4)
5. Gameta degenimiz ne?(4)
6. Qos jynysty qalaı belgilenedi?(4)

Baılanysy. Oqýshylar, búgin úı tapsyrmasyna jaqsy daıyndyqpen kelgen ekensińder. Bizder tabıǵattaǵy kópjasýshaly janýarlardyń kóbeıýi jóninde tanystyq..(sýretter shyǵady.) Al olaı bolsa, myna ósimdikterdiń arasyndaǵy qandaı jándikter eken
(taqtaǵa sýretter shyǵady kóbelek, ınelik dáýit, qońyz. t. b.) oqýshylar olardyń qandaı jándikter ekenin aıtady. Oqýshylar bizder «Ósimdikterdiń tozańdanýy»degen taqyrypty ótkenimizde bul jándikterdi, qandaı jándikter dep ataǵan edik. (oqýshylar býnaqdeneliler deıdi.) Olaı bolsa búgin býnaqdenelilerdiń kóbeıýi jóninde tanysaıyq. (býnaqdenelilerdiń sýretteri taqtaǵa shyǵady) Demek, búgingi jańa sabaǵymyz «Býnaqdenelilerdiń damýy».

Jańa sabaq
Býnaqdenelilerdiń damýy úsh túrli jolmen ótedi. Olar: týra damý,(qanatsyz býnaqdeneliler) shala túrlenip damý,(ınelik, dáýit, shegirtke, buzaýbas, bıt, qandala) jáne tolyq túrlenip damý (qońyz, kóbelek, búrge, shybyn, masa, qumyrsqa, balara)

Týra damý degenimiz - uryqtanǵan jumyrtqadan tikeleı eresek býnaqdenege uqsas jas jándikterdiń shyǵýy. Olardyń tek denesi ósedi jáne jynystyq jaǵynan tolysyp damıdy.
Tolyq túrlenip damý dep - damýy 4 satydan turatyn jáne dernásili eresegine uqsamaıtyn býnaqdenelilerdi aıtamyz.
Shala túrlenip damý dep - damýy 3 satydan turatyn jáne dernásili eresegine uqsaıtyn býnaqdenelilerdi aıtamyz.
Damýdyń syzbanusqasyn bylaı keskindeı alamyz: týra damý: jumyrtqa — ımago; shala túrlenip damý: jumyrtqa – dernásil -
-ımago; tolyq túrlenip damý: jumyrtqa — dernásil — qýyrshaq -- ımago. Býnaqdenelilerdiń eresek kúıge aýysý satysy ımago dep atalady. Imago(latynsha ımago - eresek jándik)