InfoHub Logo

Bıyl Qazaqstan Respýblıkasy men Ortalyq Azıa memleketteriniń BUU-ǵa múshe bolǵanyna 25 jyl. Osyǵan oraı, búgin Ál-Farabı atyndaǵy Qazaq ulttyq ýnıversıtetinde BUU «Akademıalyq yqpaldastyq» baǵdarlamasynyń Jahandyq haby retinde Ortalyq jáne Ońtústik Azıa aýmaǵyndaǵy «BUU Jańa Jibek joly modeli» (MUN-NSW 2016) atty iri halyqaralyq stýdenttik konferensıanyń ashylý saltanatty ótti. Konferensıaǵa Úndistan, Pákistan, Aýǵanstan, Tájikstan, Qyrǵyzstan, Ózbekstan elderiniń delegattary, sondaı-aq AQSH, Italıa, Fransıa jáne t.b elderdiń stýdentteri qatysýda.

Bıyl Qazaqstan Respýblıkasy men Ortalyq Azıa memleketteriniń BUU-ǵa múshe bolǵanyna 25 jyl. Osyǵan oraı, búgin Ál-Farabı atyndaǵy Qazaq ulttyq ýnıversıtetinde BUU «Akademıalyq yqpaldastyq» baǵdarlamasynyń Jahandyq haby retinde Ortalyq jáne Ońtústik Azıa aýmaǵyndaǵy «BUU Jańa Jibek joly modeli» (MUN-NSW 2016) atty iri halyqaralyq stýdenttik konferensıanyń ashylý saltanatty ótti. Konferensıaǵa Úndistan, Pákistan, Aýǵanstan, Tájikstan, Qyrǵyzstan, Ózbekstan elderiniń delegattary, sondaı-aq AQSH, Italıa, Fransıa jáne t.b elderdiń stýdentteri qatysýda.

«BUU modeli» -   bul oı talqylaý jáne stýdenttik konferensıa rejıminde ótiletin tanymal álemdik baǵdarlama. Bul jańa ıdeıalar, pikirler, áser týdyratyn, ózin-ózi damytý men óz oıyn bildirýge biregeı múmkindikter beretin, ıntellektýaldyq jáne shyǵarmashylyq qabiletterin, oı-sana men jańashyl oılanýdy tanytyp ári damytatyn úzdik mektep sanalady. Halyqaralyq deńgeıde ótkizilip otyrǵan konferensıanyń negizgi maqsaty – stýdentterdiń boıyna  kóshbasshylyq jáne dıplomatıalyq qarym-qatynas qasıetterin sińirý.

Saltanatty plenarlyq otyrysqa BUU ókilderi, shetel elshilikteriniń dıplomattary, Almaty qalasynyń ákimdigi qatysty.

Ál-Farabı atyndaǵy QazUÝ BUU «Akademıalyq yqpal» jahandyq Habyna jáne Ortalyq Azıadaǵy turaqty damý boıynsha IýNESKO óńirlik Habyna jetekshilik jasaıdy. Osy oraıda ýnıversıtet rektory Ǵalym Mutanov mundaı álemdik deńgeıdegi jaýapty is-sharanyń ál-Farabı atyndaǵy QazUÝ bazasynda ótkizilýiniń mańyzdylyǵyn atap ótti.

Al, konferensıaǵa qatysýshy sheteldik stýdent-jastar uıymdastyrýshylarǵa óz alǵystaryn jetkizdi.

Konferensıaǵa alǵash ret qatysyp otyrǵan «Qyrǵyz-Túrik Manas» ýnıversıtetiniń stýdenti Tolgonoı Mamatova: «Qyrǵyz jastary men qazaqstandyq jastardyń uqsastyǵy kóp. Eki ulttyń da jastary jalyndy, peıilderi keń, qonaqjaı bolǵandyqtan, Qazaqstandy esh jatyrqamaı, jaqyn tartyp kettim» deı kele, ózge ult ókilderimen tanysyp, tájirıbe almasyp jatqandyǵyn qýana jetkizdi.

Aldaǵy 2 kúnde «UN Security Council – “ Drug Trafficking as a Threat to Security in Central Asia»; «General Assembly – “Global Migration as the reflection of employment challenges as well as other trends ( SDG-4, SDG – 8)»; «Human Rights Council – “Modern Slavery and the Issue of Forced Labor (SDG – 10)»; «Environmental Assembly – Pollution in Central Asia (SDG – 13, SDG -14, SDG – 15)»; «International Court of Justice – “Legal Regulation of Cyberspace (SDG – 16)»; «IýNESKO – “Svoboda Slova ı Vlıanıe SMI na Samosoznanıe Lúdeı (SDG – 16)» baǵyttary boıynsha álemdik kásibı trenerler konferensıaǵa qatysýshylarǵa aǵylshyn jáne orys tilderinde semınar-trenıng ótkizedi. Qonaqtardy Almatynyń kórikti jerlerimen tanystyryp, ekskýrsıa uıymdastyrý josparlanyp otyr. Atalmysh konferensıa 30 mamyrǵa deıin jalǵasyn tabady.

Ál-Farabı atyndaǵy QazUÝ

Stýdenttik baspasóz ortalyǵy

---