Bıyl Ulttyq biryńǵaı test elektrondy formatta ótedi
Bıyl Ulttyq biryńǵaı testileý elektrondy formatta ótedi. Bul týraly QR Bilim jáne ǵylym vıse-mınıstri Sholpan Karınova aıtty.
«Bilim jáne ǵylym mınıstrligi bilim salasyn ary qaraı jetildirý boıynsha birqatar jumysty atqarýda. Sonyń ishinde ashyqtyqty, adaldyqty qamtamasyz etetin sıfrlandyrý prosesine kóshkenine biraz ýaqyt boldy. Bıyl Ulttyq biryńǵaı testileýdi elektrondy formatta ótkizilýi josparlanyp otyr. Ózderińizge belgili 2004 jyldan beri UBT qaǵaz formatta ótkizilip keledi. Bastapqy ýaqytta Ulttyq biryńǵaı testileýdi ótkizý ózimen eki fýnksıany alyp júrdi. Birinshiden, mektep bitirýge baılanysty qorytyndy attestaý jumystary jáne mektep birtirgendigi jóninde atestat alý úshin, sondaı-aq joǵary oqý ornynan túsýge memlekettik granttar konkýrsyna qatysý fýnksıasyn alyp júrgen bolatyn», - dep toqtaldy vıse-mınıstr Ortalyq komýnıkasıalar qyzmetinde.
Onyń sózine qaraǵanda, qazirgi kezde UBT tek qana joǵary oqý orynyna túsý úshin memlekettik grantty jeńip alý konkýrsyna qatysý tetigi bolyp sanalady.
«Bul - álemdik tájirıbe. Barsha álemde osyndaı ádispen joǵary oqý oryndaryna testileý júrgizilip keledi», - dedi Sh. Karınova.
You Might Also Like
-
Ǵylymı jumysty qorǵaý prosedýrasy ınternet jelisi arqyly tikeleı efırde júrgiziledi. Bul jaıynda QR Bilim jáne ǵylym mınıstri Ashat Aımaǵambetov Facebook paraqshasynda jazdy.
