InfoHub Logo

Salaýatty ómir saltyn ustanyp, kúnine bir mezet sportpen shuǵyldaný - densaýlyqqa paıdaly. Bulshyqetterdi shıratyp, symbatyńdy saqtaýǵa kómektesedi. Sondaı-aq sport mıdy da tynyqtyrady eken.

Parıj bıologıalyq zertteý ýnıversıtetiniń ǵalymdary sporttyń mıǵa da paıdaly ekenin zerttep, arnaıy ǵylymı maqala jarıalady. Olar arnaıy zertteý barysynda sportpen shuǵyldanǵan adamnyń mıyna endorfın gormony kóbirek bólinetinin anyqtaǵan. Al endorfın «baqyt gormony» dep te atalady. Ol sizdiń densaýlyǵyńyzda mańyzdy ról atqarady. Este saqtaý qabiletińizdi jaqsartady. Adam janyn tynyshtandyryp, mıdy tynyqtyrady. Ǵalymdar aptasyna birneshe kún sportpen shuǵyldanýdy ádetke aınaldyrýdy kópshilik qaperine usynady.

Sport - túrli bas aýrýlary men júıke júıesi dertiniń aldyn alýǵa birden-bir sebepshi. Parıj bıologıalyq zertteý ýnıversıtetiniń ǵalymdary neǵurlym kóp qımyldaǵan saıyn mıdyń qyzmeti de jaqsara túsedi degen toqtamǵa kelip otyr.

2014 jyly brıtandyq ǵalymdar da sporttyń mıǵa paıdaly ekenin dáleldegen edi. Olar adamdardy úsh topqa bólip zertteý júrgizgen. Alǵashqy topqa sportpen múldem shuǵyldanbaıtyndar, ekinshi topqa keı kezderi sportqa kóńil bóletinder jáne úshinshisine únemi fıtnes-ortalyqtarǵa baratyndar kirgen. Zertteý jumysyna qatysýshylar úsh jyl qatarynan medısınalyq tekseristerden ótken. Onda ǵalymdar adamdardyń mıynyń jasýshalaryn zerttegen. Nátıjesinde, úshinshi toptaǵy adamdardyń ózgelermen salystyrǵanda mıynyń jasýshalary azyraq joıylǵany anyqtalǵan-dy, dep jazady massaget.kz.

---