InfoHub Logo

Ázirge balabaqsha tárbıelenýshileri qarapaıym uıaly telefonǵa aýysty.  Mundaı sheshim oblystyq ata-analar qoǵamy keńesiniń otyrysynda qabyldanǵan, dep jazdy YK-news.kz. Taıaý arada mektep dırektorlary men ata-analar oqý oryndarynda balalardyń smartfon qoldanýyna tyıym salý týraly sheshim shyǵarady.

Balalarynyń kúndeligindegi habarlandyrýdy oqyǵan ata-analar redaksıaǵa habarlasa bastady. Onda mektep qabyrǵasynda smartfon ustaýǵa tyıym salý máselesiniń talqylanyp jatqanyn, sáıkesinshe ata-analardyń pikir bildirýin suraǵan.

«Men tyıym salýǵa qarsymyn, - dedi qala turǵyny Marına. - Meniń ulym kishkentaı bala emes jáne óz zattary men tehnıkasyna bas-kóz bola alady. Kelesi jyly joǵary oqý ornyna túsedi. Synaqtarǵa daıyndalý kerek, mobıldi ınternet únemi janynda bolý kerek. Meniń oıymsha, kim sabaq ústinde smartfonǵa qarap, oıy bólinse, sol balaǵa tyıym salý kerek».

Sheneýnikter smartfondarǵa nege tyıym salý kerektigin túsindirip berdi. Óskemen prokýratýrasy SHQO bilim berý basqarmasyna hat joldaǵan. Onda quzyrly mekeme ókilderi gadjetterdiń balalardyń oqýdan nazaryn aýdaratynyn, olardyń psıhıkasy men minez-qulqyna teris yqpal etetinin, sol sebepti mektepter men balabaqshalarda smartfondarǵa tyıym salý máselesin qarastyrý kerektigi aıtylǵan. Mundaı tyıym balalar men muǵalimderge birdeı qatysty.

«Qazir árbir mektep osy másele boıynsha ata-analar pikirin jınap jatyr, - dedi SHQO bilim berý basqarmasynyń basshysy Aıjan Sadyqova. - Eger naqty bir mekteptiń ata-analary bastamaǵa qoldaý bildirse, ákimshilik ishki tártip erejesine ózgerister engizedi. Onda balalar men pedagogtarǵa smartfon ustaýǵa tyıym salý týraly pýnkti paıda bolady. Iaǵnı ata-analar men mektep ákimshiligi birlesip sheshim qabyldaıdy.

Nátıjesinde birneshe mektepte smartfon saqtaıtyn uıashyqtar paıda bolýy múmkin. Eske sala ketsek, memlekettik mekemelerde gadjet ustaýǵa tyıym salynǵan soń, qazynalyq ǵımarattardyń foıesine kishigirim kameralar ornatyldy. Oǵan mekeme qyzmetkerleri gadjetterin ótkizedi.

«Eger tyıym salynsa, mektep basshylyǵy smartfondardyń bútindigine jaýap beredi, - dep atap ótti Aıjan Sadyqova. - Sondaı-aq, bul másele oblystyq ata-analar qoǵamynyń otyrysynda da talqylandy. Balabaqsha tárbıeshileri men tárbıeshi kómekshilerine smartfon ustaýǵa tyıym saldy. Ata-analarmen baılanysta bolý úshin pedagogtarǵa qarapaıym uıaly telefon ustaýǵa ruqsat etilgen. Árıne, balabaqsha basshylyǵy smartfondardyń saqtalýyna jaýap beredi».

---