InfoHub Logo

4 synyp
Sabaqtyń taqyryby: Dara jáne kúrdeli san esim (prezentasıasymen)
Sabaqtyń maqsaty: bilimdilik; san esimniń quramyna qaraı jáne maǵynasyna qaraı bólinýi men tanysady, olardyń jazylý emlesimen tanysady., san mólsherin tanytý barysynda oqýshylardyń oılaý qabiletin jetildirý, kúndelikti ómirde ustap, paıdalanyp, kórip júrgen zattardyń esebin bilý
Damytýshylyq; Este saqtaý qabiletin kúsheıtý, ózderi qorytyndy jasaı bilýge, oılaý, este saqtaý qabiletteriniń artýyna yqpal etý.
Tárbıeliligi; ultjandylyqqa, patrıottyq sezimderge baýlý. Sandarǵa qatysty halyqtyq uǵymdarǵa mán berý.

Sabaqtyń túri: Bekitý sabaq.
Ádisi: Oı qozǵaý, túsindirý, taldaý, teńdeý sheshý.
Pán aralyq: Aýyz ádebıeti, matematıka, dúnıetaný
Kórnekilik: Interaktıvti taqta, slaıd, jaı taqta, semantıkalyq karta.
Sabaqtyń barysy:

İ. Uıymdastyrý kezeńi
a) amandasý, túgendeý
á) synyp tazalyǵyna mán berý
b) oqýshylardyń kóńil kúıine nazar aýdarý.
Sabaqtyń maqsatyn aıtý:
Jalpy san esim ne ekenin, dara jáne kúrdeli san esimderdi,
negizgi jáne týyndy san esimderdi jattyǵýlar oryndaı otyryp, tereńirek túsinip biletin bolamyz.

İİ. Úı tapsyrmasy boıynsha, ótilgen taqyryptarǵa baılanysty ınteraktıvti taqtamen jumys jasaý.
1. San esim degenimiz ne?
2. San esim tulǵasyna qaraı neshege bólinedi?
3. San esim quramyna qaraı neshege bólinedi?
4. Dara san esim degenimiz ne?
5. Kúrdeli san esim degenimiz ne? San esim zattyń sanyn, retin bildiretin sóz taby.
Suraqtary: Qansha? neshe? nesheý? neshinshi?
Tulǵasyna qaraı

• Negizgi san esim.
Mysaly: tórt, bir. qyryq
• Týyndy san esim
Mysaly: birinshi, altynshy, elýdeı, bireý
Quramyna qaraı
•Dara san esim:
Mysaly: bir, úsh, ekeý, altynshy
Kúrdeli san esim
Mysaly: alpys altynshy, eki myń on eki, qyryq - elý, onǵa jýyq

- Osy sandarǵa qatysty halyqtyq uǵymdarǵa mán bereıik:
7, 3, 13 sandaryn alatyn bolsaq, solarǵa baılanysty qandaı uǵymdardy bilesińder?
Jeti ata, jeti kún, jeti shelpek, jetiqaraqshy, jeti qat jer, on úshte otaý ıesi, on úsh múshel jas, jeti keremet.

İİİ. Bekitý:
146 bet. 13 jattyǵý. Sóılemdegi sandardy sózge aılandyryp jazý.
(On alty, myń alty júz otyz jeti, jetpis, on segiz)
- Qaı sózben baılanysyp tur.
16 jas, 1637 metr, 70km, 18 túri.

«Kim shapshań» oıyny. (aýyzsha)
1 -. Aspanda úsh túıequs ushyp kele jatty. Ańshy olardyń birin atyp aldy. Aspanda qansha túıequs qaldy? (Túıequs ushpaıdy)
2 - Júz qyryq úsh qyzǵysh qusqa
Júz qyryq úsh qyzǵysh qus qossa,
Qansha qyzǵysh qus boldy? ( 286)

İÚ. Sergitý sáti.
Bir, eki, úsh,
Boıǵa jınap kúsh.
Tórt, bes, alty,
otyr, tur, shalqy.
Jeti, segiz, ýh deńiz
Toǵyz, on
Endi ornyńa qon

15 jattyǵý: San esimder men syn esimderdi eki topqa toptastyryp jaz.
San esim
Syn esim
- Aıyrmashylyǵy nede?
- Suraqtarynda
Maqal - máteldiń quramyndaǵy túsirilip aıtylǵan san esimdi taýyp.
Birinshi top
1.… atasyn bilmegen jetesiz.
2. Qyzǵa … úıden tıý.
Ekinshi top
1. Er jigittiń … sóılegeni – ólgeni.
2.… ret ólshep, … ret kes.
Úshinshi top
1. Bilgeniń – …, bilmegeniń – toqsan toǵyz.
2. Bala … kelgenshe, jerden taıaq jeıdi.
Jaı taqtamen jumys jasaý: Eki oqýshy joǵarydaǵy sandardy dara, kúrdeli san esimderge bólip jazý
312+7=319
462*2=924
2*27=54
300: 10=30
625: 125=5
1000: 10=100