InfoHub Logo

Dúnıetaný
Taqyryby: Taýly jer ósimdikteri men janýarlary
Maqsaty:
1. Taýly jerdiń aýa raıy, ondaǵy ósetin ósimdikter men janýarlar týraly maǵlumat berý;
2. Tabıǵatty qorǵaýǵa, aıalaýǵa tárbıeleý;
3. Tanymdyq qabiletterin damytý.
Kórnekiligi: Sýretter, karta, jazbabet t. b.
Sabaqtyń túri: Aralas sabaq.
1. Oqýshylardy túgendeý.
2. Sabaqqa nazarlaryn aýdarý.
- Balalar, qazir qaı sabaq?
- Dúnıetaný sabaǵy
- Olaı bolsa quraldarymyzdy daıyndap, sabaqqa nazar aýdaramyz. (Taqtada Q. R - nyń tabıǵat beldeýleri beınelengen karta ilinedi).
- Balalar, men sabaqty óleńmen bastaǵym kelip tur.
Keń dala, kóremisiń sonaý jatqan,
Jibekteı jasyl shóppen betin japqan
Asqar taý, aıdyn shalqar kól men ózen
Áne, sol anam edi meni tapqan, - dep atamyz aıtqandaı, Qazaqstan – keń, baıtaq ólke. Ol Eýrazıanyń eń iri memleketteriniń biri. Jer kólemi jaǵynan 9 - nshy orynda. Soltústikten ońtústikke, batystan shyǵysqa qaraı sozylyp jatýyna baılanysty tabıǵaty da alýan túrli.
Balalar, kartadaǵy ár alýan tústerge nazar aýdarsaq, shalǵyndy jer, shól men shóleıt jerler, sý qoımalary men orman - toǵaı t. b. jerlerge baı.
Búgingi sabaq - erekshe. Senderdi óte kóp qyzyq tapsyrmalar kútip tur. Óıtkeni árqaısylaryń búgin zertteýshi bolasyńdar. Sender uıymshyldyqpen, kóterińki kóńil kúımen sabaqqa qatysýdy suraımyn.
Olaı bolsa, zertteýshiniń joldama qaǵazy bar. Osy qaǵazǵa eń aldymen ózimizdiń aty - jónimizdi jazamyz.
Úıge qandaı tapsyrma berildi?
«Sý qoımasy ósimdikteri men janýarlaryn qorǵaý»
Endi joldamadaǵy birinshi tapsyrmaǵa kóńil bóleıik.
Test jumysy. Kórshi partalar boıynsha tekserý.
Búgin biz zertteýshimiz ǵoı, olaı bolsa sabaqtyń taqyrybyn ashyp alaıyq. Ol úshin joldamanyń 2 - shi tapsyrmasyn qaraıyq.
Alfavıttik keste
- Neshe keste berilgen?
- Úsh keste berilgen
Endeshe aldaryńyzdaǵy alfavıttik lentany alyp, ár kestedegi nómirlerdiń astyna tıisti áripterdi qoıyp barlyq kesteni tolyqtyraıyq.