InfoHub Logo

Antarktıkalyq ekspedısıanyń dárigeri qatty aıazda aýyryp qalmas úshin qalaı durys tynystaý kerektigin bildirdi. Qysqa saqadaı saı bolǵyńyz kelse saıtymyz usynǵan keńesterge nazar salyńyz.

Tynystaý erejeleri

Tynystaǵanda, temperatýra 20 °C-tan tómen bolsa, tynys joldaryn sýyqtatyp alyp, aýyryp qalý qaýpi joǵary.

Qorǵaný prınsıpi qarapaıym: jutylatyn aýa barynsha jyly bolý kerek. Sondyqtan barlyq sporttyq nusqaýlyqtardaǵy birinshi jáne eń kóp aıtylatyn keńes – «murynmen demalyńyz».

Alaıda temperatýra 20 °C-tan tómendep ketkende, tipti jelsiz aýa raıynda da muryn qýystary tarylyp qalady, sol sebepti bul keńesti oryndaý qıyndaıdy. Adam aýyzben demalýǵa májbúr bolyp, aýyryp qalady.

Qatty aıazda durys tynystaýdyń birneshe qarapaıym tásili bar:

Qalaı demalsańyz da (murynmen nemese aýyzben) – barynsha baıaý jáne bir saryndy demalyńyz. Jutylǵan aýa tynys joldary arqyly neǵurlym baıaý júretin bolsa, soǵurlym jylyna túsedi.

Múmkindiginshe aýyzben emes, murynmen demalýǵa tyrysyńyz. Munda murynmen jutylǵan árbir tynys sizge jumys isteıdi.

Eger aýyzben demalý kerek bolyp jatsa, onda erinińizdi bolar-bolmas ashyp, tar sańylaý arqyly demalýǵa tyrysyńyz. Eń durysy erindi trýbka sıaqty sozyp, tildi tańdaıǵa kóterip demalý. Bulaı demalý da ońaı ári qaýipsiz.

Aýany ókpege toltyryp demalýdyń qajeti joq. Eger mınýs 30°Caıazda ókpeńizdi aýamen toltyryp demalatyn bolsańyz sýyqtap qalýyńyz ábden múmkin. Sondyqtan tereń tynystaýdyń qajeti joq. Kúndelikti tynystap júrgen rıtmdi ustanyńyz.

Júgirmeýge, sekirmeýge, aýyr kótermeýge jáne basqa da kúsh salatyn áreketterdi jasamaýǵa tyrysyńyz. Barlyq fızıkalyq jattyǵýlar birkelki bolýy tıis.

Psıhologıalyq shekteý: qandaı jaǵdaı bolmasyn – baıbalam salmańyz! Barynsha sabyrly bolsańyz, sonshalyqty jaqsy tynystaısyz. Eger ashýlanatyn bolsańyz, jutatyn aýany jylytý qıyndaı túsedi.

Jelge qarsy tynystamańyz: bul jutylatyn aýa jyldamdyǵyn sizdiń erkińizden tys arttyratyn bolady. Eger jelge qarsy júrýge májbúr bolsańyz, onda basyńyzdy tómen túsirip, tómen qaraı tynystańyz. Alaqanyńyzben muryn men aýyzdy jabý arqyly da jaǵdaıdy jaqsarta alasyz.

Sharfty kózińizge deıin baılap, sol arqyly demalyńyz. Aýa jutqanda sýyp, shyǵarǵanda jylıtyn sizdiń muryn men aýyzyńyz emes, sharf bolady.

Jáne eń sońǵy keńes: jylytatyn qarapaıym zattardy elemeı qoımańyz, ásirese keýde men moıyn jaqty. Tynys joldary jylytpaıtyn jáne jel ońaı kiretin aǵytylǵan jaǵa nemese kıimniń aǵytylǵan ilgegi arqyly syrttaı da sýyqtap qalýy múmkin. Sondyqtan sharf moıyndy tyǵyz orap turatyn jáne jyly bolýy kerek.

---