InfoHub Logo

Qazaq halqynyń án-kúı ónerin nasıhattaý maqsatynda Astana qalalyq bilim basqarmasynyń «№1 óner mektebinde» 2016 jyldyń 19-20 qańtary kúnderi «Abyz - dombyra» İİ qalalyq kúıshiler men án-termeshiler baıqaýy ótkizilýde,- dep habarlandy Astana bilim basqarmasy saıtynda. 

Baıqaýdyń maqsaty - aspapta oryndaıtyn ónerpazdardyń qazaq án-kúıleriniń shyǵý tarıhyn bilý, sóıleý jáne áńgimeleý mádenıetin damytý, mektep oqýshylaryn halyq mádenıetine baýlý. Baıqaýǵa Astana qalasy jalpy bilim beretin mektepteriniń 7 - 13 jas aralyǵyndaǵy oqýshylarynan 50-ge jýyq talapkerler baqtaryn synaýǵa ótinish berdi», - delingen saıt habarlamasynda.

Baıqaý 2 janr boıynsha ótkiziledi. Birinshisi - dástúrli án, termeshiler, ekinshisi - kúı óneri. Baıqaý talaptary boıynsha ádil qazylar alqasy baıqaý talapkerlerin  shyǵarmany oryndaý sheberliginiń sapasy, sahna mádenıeti, sahnalyq kıim úlgisi ólshemderi boıynsha baǵalaıdy.

Baıqaýda úzdik óner kórsetkeni jáne belsene qatysqany úshin talapkerler Astana qalalyq bilim basqarmasynyń dıplomymen marapattalady.

Oqý - tárbıe josparyna sáıkes ótkizilip otyrǵan qalalyq mektep oqýshylarynyń arasyndaǵy  dombyrashylar baıqaýyn joǵary dárejede, tatýlyǵy jarasqan shyǵarmashylyq qalypta ótkizý josparlanýda

---