InfoHub Logo

Dastarhan máziri
Sabaqtyń maqsaty: Dastarhan mázirin jasaýdy úırený
Bilimdilik: tamaqtaný mádenıeti bólimindegi alǵan bilimderin meńgerý maqsatynda dastarhan sánin keltiretin as daıyndaý ónerin úırete otyryp, dastarhan ázirleý;
Damytýshylyq: Kúndelikti alǵan bilimderin praktıkada qoldanýdy arttyryp, qol sheberlikterin, iskerlikterin damytý
Tárbıelik: dastarhan mázirin jasaý barysynda, tazalyqqa, uqyptylyqqa, uıymshyldyqqa, ózara kómek berýge, as daıyndaý ónerine tárbıeleý,
Sabaqtyń túri: saıys sabaq
Ádisi: túsindirý, suraq - jaýap.
Kórnekiligi: búktemeler, naqyl sózder, maqal - mátel, dastarhan taǵamdary.
Pánaralyq baılanys: ádebıet, án, beıneleý, dúnıetaný.

Sabaqtyń barysy:
I. Uıymdastyrý kezeńi
II. Sabaqqa ázirligin tekserý
III. aqyldastar alqasyn saılaý
IV. Kirispe áńgime, oqýshylardy topqa bólip, sabaq josparlarymen tanystyrý

Árbir halyqtyń óz tarıhy bar. Sol tarıhtan halyqtyń tynys tirshiliginen habardar bolamyz. Kóshpeli turmysta baqsha egip, mal sharýashylyǵymen aınalysqan halqymyz da etnografıalyq saltyna qaraı dastarhannyń da ózine tán ereksheligi bar. Sol erte zamannan beri qazaq halqy ózderi baqqan maldyń terisin, júnin, etin, sútin jáne tary, suly, kúrish, arpa sıaqty baqsha daqyldaryn retimen óz tirshiligine paıdalana bilip, taǵam jasaý ónerin de jaqsy ıgergen. Qazaq halqy úshin dastarhannan, dámnen úlken esh nárse joq.
Qazy, jaıa, omyrtqa, kómbe degen,
Qýyrdaq, súr, mıpalaý tátti neden?
Qarta, tóstik, jaıa, shujyq, jaýjumyrdyń,
Qazaǵym qasıetin erte bilgen.
Bizdiń búgingi sabaǵymyz qorytyndy sabaq, oqýshylar «tamaqtaný mádenıeti» bóliminen alǵan bilimderin qorytyndylaý maqsatynda saıys túrinde ótpekshi. Sabaqqa qatysyp otyrǵan muǵalimderden aqyldastar alqasy saılanady.

Ótilý barysy:
Toppen tanystyrý
Suraq - jaýap
Myń bir maqal
Taǵamdar túrine saıahat
Óz ónerin kórsetý (salat jasaý)

Búgin bizdiń aýylda dúbirli toı,
Den qoıyp tyńdańyzdar, kóńildi qoı.
Jyrdan shashý shashylyp, kúı kúmbirlep,
Qosh keldińder, halaıyq sergisin boı.

Bolady qyzdyń aty zatyna saı,
Nıet etseń bolýǵa ónerge baı.
Artyq emes, úıren de jıren degen,
Bos qalyp, bul ómirde júrmeshi jaı.

Saıystyń I kezeńinde top basshysy tanystyrady. Top basshysy óz tobynyń aty men, músheleriniń ónerimen, bilimimen, jetistikterimen tanystyrady.
I top – “Altyn astyq” toby
II top – “Aq dastarhan” toby
II kezeń. Taǵam túrleriniń jasaý ádisterine baılanysty suraq - jaýap.
III kezeń. Qazaq tilinde «toqsan aýyz sózdiń tobyqtaı túıinin» bildirip, belgili bir tujyrym jasaýdy maqal deıdi. Endi toptyń til baılyǵyn tekserý maqsatynda «Myń bir maqal saıysyna kezek beremiz. Muǵalim basyn aıtady, aıaǵyn oqýshylar jaýap beredi.

IV kezeń. Taǵamdar túrine saıahat jasaý maqsatynda 2 top saıysqa jaıǵan dastarhanyndaǵy taǵamdardyń barlyǵy qoldan jasalǵan taǵamdar óziniń sińimdiligimen, qunarlyǵymen til úıirer áýes as ekendigin, taǵamdardyń qadir - qasıeti, mańyzy jaıynda aıtady.

V kezeń. Óz ónerin kórsetý.
Oqýshylardyń qalaýy boıynsha salat jasalady.
Sabaqty bekitý.
Sonymen qyzdar, búgingi saıys sabaǵynda izdengenderiń baıqaldy. Osyndaı saıys sabaqtar adamnyń qyzyǵýshylyǵyn, izdenimpazdyǵyn, básekelestigin arttyrady. Sondyqtan árýaqytta úlken izdenis, tynymsyz eńbek, taýdaı talap qajet ekenin este ustańdar.
Kimder bilgir, kimder ushqyr,
Salystyryp biz kórdik.
Qara qyldy qaq jaryp,
Ádilin tek aıtatyn,
Ortamyzda tóbe bı, ózińizge sóz berdik – dep búgingi keshti qorytyndylaý úshin sóz kezegin ádilqazylarǵa beremiz.
Sabaqtyń sońynda eki topqa maqtaý qaǵazy beriledi.

Atyraý oblysy, Jylyoı aýdany, Qulsary qalasy,
№19 jalpy orta bilim beretin mekteptiń joǵary bilimdi,
İ sanatty tehnologıa pániniń muǵalimi
Jýmagalıeva Saltanat Kýlymjanovna