InfoHub Logo

2 - synyp.
Taqyryby: Densaýlyq álippesi
Maqsaty: bilimdilik – jas urpaqqa adam densaýlyǵynyń qymbattylyǵy, ómir súrý úshin qajettiligin, baǵaly baılyq ekendigin túsindirý;
tárbıelik – denesin shyńdaýǵa, shymyr da shapshań, uqypty da jınaqty, talǵampaz da qanaǵatshyl, taza da ádemi bolýǵa tárbıeleý;
damytýshylyq – syn turǵysynan oılaý, shyǵarmashylyq qabiletin damytý, sóıleý sheberlikterin jetildirý.
Kórnekiligi: úntaspa, naqyl sózder jazylǵan plakattar, sýretter, kartochkalar, tirek syzba.

Barysy.
Tańerteńgilik jıyn. Oqýshylar sheńberge turady. Psıhologıalyq trenıń.
Úntaspamen án oryndalady.
Bizge altyn kún nur shashady,
Jylýymen bizdi qushady.
Qýanamyz, shattanamyz biz
Maqtan tutyp mektep, anany.

Bilimge qumar pák balamyz,
Ásem ánge biz salamyz.
Jadyrap kóktemniń gúlindeı
Ósemiz biz, qulpyramyz.
Muǵalim: Balalar, búgingi kúnderińe sáttilik tileımin!
- Baılyq degenimiz ne?
Oqýshylar baılyqtyń maǵynasyn tirek syzba arqyly túsindiredi. M. Dýlatulynyń «Baılyq» áńgimesi boıynsha qoıylym kórsetiledi. Sarapshylar sózin tyńdaı otyryp, taqtada baılyq sóziniń syzbasyn shyǵaryp, eń úlken baılyq densaýlyq ekenin aıtady

«Densaýlyq» atty syzba boıynsha jumys.
Muǵalim: Olaı bolsa, denimiz saý, qurysh bilekti, alyp júrekti, qaısar da qaıratty, uqypty da ádemi qazaq azamaty bolý úshin adam densaýlyǵyna ne qajet dep oılaısyńdar? (Syzba kórsetiledi, syzbadaǵy qajettilikterdi oqýshylarǵa oqytý arqyly árbir top óz oılaryn ortaǵa salady.)

Muǵalim: Búgingi sabaǵymyz saıys túrinde bolady. Sondyqtan 3 topqa bólinip otyraıyq.
1 – top «Shymyr»
2 – top «Densaýlyq»
3 – top «Symbat»
Densaýlyq degenimiz – jannyń, tánniń, rýhanı ishki dúnıeniń úılesimdilgi, bir – birine meıirimdiligi. «Densaýlyq – zor baılyq» degen halyq maqaly bar.
Densaýlyq – tabıǵı zańdylyq, aýrý – kezdeısoqtyq. Sondyqtan da aýrǵannan góri densaýlyqty saqtap, aýrýdyń aldyn alǵan jeńil.
Búgingi saıysymyz 5 bólimnen turady. Saıysty bastamas buryn sarapshylarymyzben tanysyp alaıyq. (Ádilqazylar alqasymen tanystyrlady.)
Ár bólim sońynda toptardyń jumystary baǵalanady. Baǵalaý 5 baldyq júıe boıynsha.

I bólim «Tanystyrý»
Ár top ózderin tanystyryp, urandaryn aıtady.
«Shymyr» tobynyń urany: «Shynyqsań, shymyr bolarsyń».