InfoHub Logo

Ózin-ózi taný pániniń muǵalimi
Cynyby: 1 Páni: Ózin-ózi taný

Sabaqtyń taqyryby: Densaýlyq qupıalary
Sabaqtyń maqsaty: «Densaýlyq» uǵymynyń adamgershilik qundylyǵy
retindegi mánin ashý.
Sabaqtyń mindetteri:
- densaýlyqty saqtaý, nyǵaıtý qajettigi týraly túsinikterin keńeıtý.
- densaýlyqtaryn nyǵaıtýǵa qyzyǵýshylyqtaryn arttyrý.
- densaýlyǵyn kútýge, baǵalaýǵa tárbıeleý.
Kórneki quraldar: Árbir aıaldamaǵa baılanysty sýretter, júreksheler, úntaspa t. b.
Sabaqtyń túri: Jańa uǵymdy qalyptastyrý.
Sabaqtyń tıpi: Jańa sabaq.
Sabaqtyń ádisi: Oı qozǵaý, «Galereıany sharlaý»ádisi, Toptastyrý;
Kórneki quraldar: ınteraktıvti taqta, taqyrypqa baılanysty slaıd, sýretter

Sabaq barysy: Uıymdastyrý
Oı qozǵaý. İ Qyzyǵýshylyqty oıatý
Shattyq sheńberi
Oqýshylar sheńberge turǵyzylady.
Tabıǵatty bilemin
Aýa, sý, kún, jer, aspan
Jan-janýar, gúl, egin
Kókjıekke ulasqan.

Armysyń shapaǵatty kúnimiz,
Armysyń meıirimdi jerimiz,
Armysyń tabıǵat-anamyz,
Keldi sizge ózińiz balańyz.
Biz búgin densaýlyqty saqtaý qupıalarymen tanysamyz. Balalar bizdiń alǵashqy aıaldamamyz – «Taza aýa» dep atalady. Taza aýa adamnyń tynys alýyna qajetti ottegin jetkizedi, durys ósýine kómektesedi. Taza aýa-densaýlyqty saqtaýdyń birinshi qupıasy. Tabıǵat taza bolsa, aýa taza bolady sondyqtan da, tabıǵatty súıý janǵa saýlyq beredi.
Basty baılyq densaýlyq,
Babań aıtqan danalyq.
Ol úshin kóp qozǵalyp,
Taza aýa jut kóbirek.

İİ Maǵynany taný
Tynyshtyq sáti:
(Syldyrlaǵan sýdyń dybysy shyǵyp turady)
Balalar, denelerińdi túzý ustap, bastaryńdy joǵary kóterip, yńǵaılanyp otyryńdar. Kózimizdi jumyp, aýany tereń jutyp, erkin tynys alamyz. Mine, syldyraı aǵyp jatqan taza sý áýenimen sý keremetine malynaıyq. Bárimiz de sý aıdynynda qalyqtap júzip bara jatqandaımyz. Sýǵa maltyp, qýanyshymyz qoıynymyzǵa syımaı barady. Tap-taza salqyn sý sharshaǵanymyzdy basyp, denemizdi sergite túskendeı, boıymyzǵa erekshe kúı, kúsh-qýat bergendeı. Sýdyń biz úshin qanshalyqty paıdaly ekenin túsingendeımiz. Osy jaqsy oıymyzben burynǵy qalpymyzǵa keleıik.
Balalar, biz toqtaǵan osy aıaldama «Móldir bulaq» dep atalady. Sý – bizge tazalyq janymyzǵa tynys, sulýlyq beredi. Sý bolmasa ósimdikter óspeıdi, al ósimdikter bolmasa taza aýa bolmaıdy. Taza sýdyń bolmaýy bizdiń densaýlyǵymyzǵa zıanyn keltiredi. Sondyqtan densaýlyqtyń taǵy bir qupıasy - tabıǵı sý.
Káne, balalar sý týraly óleń-taqpaqtardy kim biledi?
Sý tabıǵat baılyǵy,
Ózen-kólge barǵaısyń.
Kemi eki ret ár kúni,
Sýǵa túsip alǵaısyń.

Jadyraǵan kúndeımiz,
Jaınap ósken gúldeımiz.
Tunyq taza aýamyz,
Syldyraǵan sýdaımyz.

Sergitý sáti:
- Balalar, bizdiń kelesi aıaldamamyz «Sport-bizdiń dosymyz» dep atalady. Densaýlyqty saqtaý men nyǵaıtýdyń úlken bir qupıasy-sport. Sport arqyly denemizdi shynyqtyramyz, sergitemiz, tánimizge symbattylyq, janyńa kúsh-qýat beredi, aýrýdyń aldyn alady. Sport jaıynda kim qandaı taqpaq biledi?
Oqýshylar biletin óleń-taqpaqtaryn aıtady.
Oqýshylar eki topqa bólinip, dene jattyǵýlaryn oryndaıdy. ( Úntaspadan kóńildi áýen oınalady)

İİİ Oı tolǵanys
Shyǵarmashylyq jumys
- Kelesi aıaldamamyz «Jan sulýlyǵy» dep atalady. Óıtkeni, janyńnyń sulýlyǵy denińe saýlyq, tánińe symbattylyq beredi. Sonymen densaýlyqtyń taǵy bir qupıasy jan sulýlyǵy jaıynda kim ne aıtady?
Jaqsylyq aıtyp basqaǵa,
Ortaǵa oıdy salǵaısyń.
Tek maqtanba, jasqanba,
Sulý jandy bolǵaısyń.
- Endeshe, balalar ózderiniń tabıǵattaǵy, tirshiliktegi nege teńeısińder, uqsatasyńdar. Sol sýretterdi salyp, ne sýret salǵandaryndy jarıalap aıtasyńdar.(Oqýshylar sýret salǵan kezde jaı áýen oınalyp turady)
«Galereıany sharlaý» ádisi
Oqýshylar salǵan sýretterin ortaǵa shyǵaryp ne salǵanyn aıtyp, taqtaǵa ilip kórme jasaıdy. Bir-biriniń sýretterin tamashalap baǵa beredi.
Bir-birin bes shapalaqpen madaqtaıdy.
Dáıeksóz: «Jany saýdyń – táni saý» halyq danalyǵyn dápterge jazdyrý.
Adamnyń ishki oıy taza bolsa, deni de saý bolady. Barlyq ýaqytta adamdar men aınalań týraly jaqsy oılasań jáne olarǵa jaqsylyq tileseń, ózińdi árqashan jaqsy sezinesiń. Sondyqtan adam tániniń amandyǵy úshin ǵana emes, janynyń saý bolý úshin de áreketter jasaýy kerek. Ol úshin óz boıyńdaǵy jaǵymsyz qasıetterden arylý kerek.
Densaýlyq qupıalary týraly jazaıyq.
«Toptastyrý»ádisi

Oqýshylar densaýlyq qupıalaryn toptastyryp jazady.
Júrekten-júrekke
- Balalar, bizdiń sońǵy aıaldamamyz - «Jaqsylyq keni» aıaldamasy dep atalady jaqsylyq – jaqsy isterden, jaqsy áreketterden, jaqsy sózderden quralady. Jaqsy sóz de – densaýlyqtyń qupıasy. Janyńnyń jaqsy bolǵany, saýlyǵyńnyń jaqsy bolǵany. Bul aıaldamaǵa toqtaý arqyly bir-birimizge jaqsylyq tileıik. Endeshe, bárimiz ortaǵa shyǵyp, bir-birimizge, aınalamyzǵa jaqsy tilek aıtaıyq.
- Deniń saý bolsyń;
- Sport seniń dosyń bolsyń;
- Kúndeı shýaqty bol;
- Janyń sulý bolsyn;
- Taza sý saǵan kúsh-qýat bersin!
- Kúniń ashyq bolsyn!
- Jerimiz keń bolsyn!
- Aýamyz taza bolsyn!
- Sýymyz taza bolsyn!
- Gúldeı jaınaıyq!
- Sportpen shuǵyldanaıyq!
- Jaıdary júreıik!
- Aman bolaıyq! t. b
Án «Biz-ómirdiń gúlimiz»
Sózi: Á. Dúısenbıev
Áni: B. Ǵızatov

Zeńgir kókten, Bal dostyqqa,
Nuryn tókken, Joldastyqqa,
Ortaq bizdiń kúnimiz, Shaqyrady ánimiz,
Jaıdary ósken, Tynyshtyqta,
Jaınap ósken, Nur qushtyq ta,
Biz-ómirdiń gúlimiz Baqyttymyz bárimiz!
Madaqtaý