InfoHub Logo

Qazannyń 27-si - qarashanyń 6-sy aralyǵynda Almaty qalasynda “Digital autumn” VR festıvál ótti. Atalmysh shara Tashkentte, Máskeýde jáne Almatyda ótkizilýde. Ál-Farabı atyndaǵy QazUÝ, jýrnalısıka fakúltetinen 8 stýdent osy festıválda medıatorlar jumysyn atqardy. Endi osy sharanyń erekshelikteri týraly aıtyp keteıin. VR - vırtýaldy keńistik degen maǵynany beredi. Bizdiń maqsatymyz - vırtýaldy keńistik arqyly adamdardyń janashyrlyq, qyzyǵýshylyq sekildi sezimderin týdyrtyp, álemde bolyp jatqan ózekti máselelerge nazar aýdartý. 

Atalmysh shara Fransıa elshiligi kómegimen uıymdastyrylǵandyqtan, biz Fransýz avtorlarynyń 9 jobalaryn jarıalaǵan bolatynbyz. Ár joba alyp, ári mańyzdy maǵynalardy jetkizedi. Sonyń ishinde jeke maǵan unaǵan úsh joba týraly aıtyp keteıin. 

Ǵaryshker ómiri / Being an astronaut: bul jobany kórgen kezde, siz ǵaryshker mamandyǵynyń erekshilikterin túsinetin bolasyz. Ǵaryshkerdiń shyn daıyndyǵyn, baıqońyrdyń sheksiz dalasyn, ǵarysh qurylǵylaryn jáne ǵaryshqa ushýdy kórý - sózben jetkizilmes balalyq baqyt. Vırtýaldy kózildirikte ekenińizdi umytyp, qorshaǵan ǵajaıypqa basyńyzben súńgip ketesiz. Vırtýaldy keńistik - 21 - ǵasyrdyń adamzatqa bergen syıy. Kóbisi jete almaıtyn tańǵajaıyp ǵaryshty kórý jáne ózińdi bir mezetke ǵaryshker retinde seziný - VR kózildiriktiń sıqyry.

Soqyrlyq týraly jazbalar / Notes of blindness: bul joba Djon Halldyń soqyrlyqtyń sensorlyq jáne psıhologıalyq tájirıbesine negizdelgen ımmersıvti vırtýaldy shyndyq jobasy. Onyń kúndelikti jazbalary soqyrlyqtyń kognıtıvti jáne emosıonaldy tájirıbesi bolyp tabylatyn osy ınteraktıvti fantasıkalyq emes áńgimeniń negizin quraıdy. Iaǵnı biz soqyr adamdardyń estý, sezý arqyly osy álemdi qalaı “kóretinin” baqylaımyz. Bul shynymen de paıdaly tájirıbe, densaýlyǵy osal adamdardyń ómir saltyn túsinýge múmkindik beredi. 

Tanysyńyz, Murtaza / Meet Mortaza: maǵan eń úlken áser syılaǵan oqıǵa. Murtaza - Aýǵanstannan qashyp ketken bosqyn. Onyń burynǵy ómirinde min bolǵan emes: ata-anasymen qurmetke toly qarym-qatynas, jan dostar jáne Kabýldaǵy bıznes. Biraq Murtazany esh sebepsiz ólim jazasyna kesti. Joba onyń Kabýldan Parıjge deıingi saıahatyn kórsetedi. Bul tórt aılyq uzaq sapar qorqynyshqa, sonymen qosa úlken úmitke toly bolady. Keıbir kezderde tamaqtan tek bir shyny sý men bir túıir alma ǵana bolady. Qıynshylyqtar bas keıipkerimizdi syndyrmaı, sońynda ol óz degenine jetedi. Qazir Murtaza Parıjde turady. Ol keremet otbasy quryp, Aýǵanstannan qýdalanǵan bosqyndarǵa kómektesýde. Jobanyń ereksheligi - oqıǵa shyn ómirden alynǵan. Murtaza sıaqty bosqyndar myńdaǵan adam sanyn quraıdy. Olarǵa kómek qolyn sozý - bizdiń mindetimiz.

Vırtýaldy keńistik adamǵa jańa sezimder syılaıdy. VR kózildirik arqyly alǵan tájirıbe ár 21 ǵasyr adamyna qajet dep sanaımyn. Jańashyldyqqa ashyq bolaıyq, sonda ǵana ómirdiń eń jarqyn jaqtaryn kórýge beıimdelemiz.

Tólepbergen Aıhanym

Ál-Farabı atyndaǵy QazUÝ Jýrnalısıka fakúlteti, Kıno&medıa mamandyǵynyń 1 kýrs stýdenti.

Jetekshisi: aǵa oqytýshy, kýrator - N.B. Rýshanova

---